على طاري الصدفه وشفته بلا ميعاد
تذكرت باول يوم شفتك وهي صدفه
على زاوية مقهي .. جلسنا وكنا ابعاد
لكن نظرتك كانت لي اقرب من اللهفه
انا اللي عطيتك قلب يسوى وطن وبلاد
تمتع بقلبي .. فدوتك نبضه وعطفه
من اول ماشفتك وابتدا للعمر ميلاد
لو ان قلبي بنظرة عيونك لقى حتفه
يا ويلي على وجه ً سطع نوره الوقاد
وياويلي على شعرً تسلسل على كتفه
أحبك يا أجمل ماخلق ربي من عباد
احبك يا أجمل ذنب اسويه واقترفه
دخيلك ليا شفت الحزن داخلي يزداد
تبسم .. وخل افراحنا مالها صرفه
اعرف التعلق واعرف الحب والإجهاد
لكن من عرفتك اشعر بشي ما اعرفه
حبيبي طلبتك .. تقدر تكرر الميعاد
نجي عمد للمقهى كأن اللقاء صدفه
ابي اعيد اي حاجه مع طلتك تنعاد
واعيش الشعور اللي احبه ولا اعرفه
