#غارقون لا مُحال
.
متابعه_تصويت
تعليق بين الفقرات
.
دُمتم لي شيئاً جميلاً لا ينتهي🤎.
༺༻༺༻༺༻
#رحمه
أسولف ويا البنات وأباوع الروزان اللي أتغيرت ملامحها و وجهها صار أصفر
سألتها بقلق :- شبيچ؟
ردت بخفوت :- مابيه
هزيت راسي بعدم تصديق ونظرات الشك بعيوني رادت تگوم أختل توازنها ركضنه أني وحور سندناها
حچت بصوت متقطع :- أغيد هدوء أختنگت
ليالي : ما متعوده عَ الضجه
شربتها أمها علاجها وباوعتلي
ليالي : هسه تنام بس صعديها ولو أتعبچ
_ لا خاله تعبكم راحه
سندتها وصعدتها فوگ دخلت الغرفة بحر
# ماريان
فزيت وألتفتت عَ الباب أتسعت عيوني وأنا أشوف رحمه سانده روزان اللي وجهها صاير أصفر ومنتهيه
ركضت سندتها ويا رحمه واسألها بقلق :- شخربط حالتها؟
_ خل نمددها بعدين أحچيلچ
أخذناها للچربايه مددناها بس خلت راسها عَ المخده غفت سحبت رحمه والقلق نابع من عيوني
:- أحچيلي شبيها؟
أخذت نفس وسولفلتي هزيت راسي ورحت يم روزان نايمه و واضح التعب عَ ملامحها
رحمه : تعالي أضفرلچ
هزيت راسي وگعدت وهيَ جابت المشط وگعدت ورايه خلت المشط عَ شعري ومشطته بهدوء وبدت تضفرلي
حچت والغصه ببلعومها
:- تتذكرين من بيبي تجبرج تحطين حنا علمود راسچ وأنتِ تبقين تبچين وأنا أضمچ بالبيتونه
غورگت عيوني وبدت الذكريات تضرب بعقلي من بيبي چانت تجبرني عَ الحنا وأنا أضوج ماحبها أذكر كلماتها أليه
" الحنا دوه للراس يا ماري"
حطيت أيدي عَ عيوني أبچي حضنتني رحمه وهيَ تبچي بعد مده هدأنه مسحت دموعي
رحمه : يلا عوفي روزان نايمه وتعالي ننزل راح تجي المُلا خلي نحضر الصينيه
_ يلا بس حجاب ما جبت
رحمه : راح أجيبلچ وأجي
راحت دقايق ورجعت أنطتني حجاب لفيته وطلعنه سدينه الباب ونزلنه
شفت أمي وخاله ليالي رحت يمهن
سألتني أمي بصوت رايح من البچي
والصريخ
:- حضرتن الصينيه؟ المُلا راح تجي
هديل : هسه راح نحضر
صاحتني رحمه جاي أگوم وأستوقفتني خاله ليالي بسؤالها
أنت تقرأ
غارقون لا مُحال
Mystery / Thrillerفتاة صغيره بين طيات الحزن ، صغيره جداً عَلى تقلبات الحياة ، باتت تهرب من نفسها تشوش عقلها كَي لا ترى أزدحام أفكارها والأسئله التي لا تملك أجابه لها بقيت مُشرده من روحها لا مأوى لها حاولت أن تسرق جناح ملاك وتطير للسماء دون عوده ولكن القدر كان يحكم...
