#غارقون لا مُحال
متابعه _ تصويت
تعليق بين الفقرات
༺༻༺༻༺༻
#جميله
أغمى عَ روزان وأنگلب جسمها كله أسود الصدمه جمدتنه وأحنه نشوفها شبه ميته
الحجيه :- مسووالها سحر البت
گامت تدگ وتلطم جلال شالها
:- راح أخذها الأبو فاضل كفيل زينب ابو الشدات هو يطلعها وراح أطلب أخيتي منه وهو وحده يعرف بمعزة الأخت راح أحلفه بأخته والحُسين يطلعون أختي ويفكونها من السحر
نزلت دموعنه عَ كلامه وحالته وعيونه كلها دموع
نرجس : أناا أروح وياك
هز راسه وهي راحت لبست عبايه وجابت عبايه ثانيه لفو بيها روزان الصايره قطعه سوده وطلعوا وراحوا وياهم خالو صگبان وخاله ليالي
وصلت نرجس للباب ورجعت حضنتني
:- عسلهن بأمانتچ أعتبريها بنتچ
حضنتها وبچيت :- لا تخافين ولا توصين حريصه بعيوني أخليها
_أي فدوه
طلعت والكل راح ينام رحت للغرفه أقرأ قرأن وأدعي الـ روزانه
خلصت ولفيت السجاده چانت دنيا غروب نزلت شغلت قرأن وبخور وطلعت بالحديقه أتصل أحمد
_الو ها أحمد
_ ها جميله شلونكم
_ الحمدلله أنتم شلونكم خالو شلونه
_ الحمدلله ، جاي أخابر عَ جلال ما يجاوب يمكن نايم ما تخلينه يجيني
بلعت ريگي أمتمت :- شسمه... هوَ جلال... يعني مو هنا
_ چا وين؟
صارت غصه ببلعومي وأنا أتذكر حالة روزان
:- أخذ روزانه للأمام العباس
_ شلووونن شبيهاا شصاار
فلتت شهگات مني
:- روزانه طاحت وجسمها صار اسود مثل الليل وجلال أخذها بيبي گالت مسوالها سحر
غلق الخط بوجهي شبييي هذاا گمت اسوي عشه خفايف دخل عبد الصمد
_ خابرني أيهاب گال تعال يمي أحمد راح ورا أهله
شهگت :- يمهه سواهاا عرفته والله
هز راسه :- الله يعينكم على ما أبتَليتم
#نرجس
طول الطريق مخلين راس روزانه بحضن أمي ورجليها بحضني وهمَ يدعولها وجلال منتهي فد نوب
سندت راسي عَ الجام ودموعي يصبن وأترقب حالة روزانه عسى ولعل يرجع لونها الطبيعي بس لا حياة لمن تنادي
جلال : مارجع لونها
رديت بشهگات :- لاا
أتنهد وعيونه مدمعه ضرب الستيرن وأردف بقهر :- أخخخ يالچنچ گمر ضاوي شغيرچ هيچ
أنت تقرأ
غارقون لا مُحال
Mystery / Thrillerفتاة صغيره بين طيات الحزن ، صغيره جداً عَلى تقلبات الحياة ، باتت تهرب من نفسها تشوش عقلها كَي لا ترى أزدحام أفكارها والأسئله التي لا تملك أجابه لها بقيت مُشرده من روحها لا مأوى لها حاولت أن تسرق جناح ملاك وتطير للسماء دون عوده ولكن القدر كان يحكم...
