غارقون لا مُحال

البارت الخامس عشر

# غارقون لا مُحال
.
متابعه _ تصويت
تعليق بين الفقرات
.
༺༻༺༻༺༻
# ماريان

مرت الأيام طبيعيه مقضيتها ويا البنات ومتونسين إلى أن رجع صياد من دوامه مر عليه وأخذني

دخلنه للبيت گعد عَ القنفه مدد رجليّ وحط أيده عَ عيونه

سَـند : يا بويه يا وليدك

_ سَـند بيك شي؟

سَـند : مابيه شي ، راح أسبح ماريد عشه أكلي أنتِ

_ هم أنه ماريد

ألتفت عليه رافع حاجبه

:- أكلي أحسلج

سكتت دخل للحمام أكلت شويه ورجعت للصاله لگيته غافي عَ القنفه غطيته ونمت

ثاني يوم سبحت وسويت الريوگ و هوَ بعده نايم أتقدمت منه

_ سَـند ، سَـند گوم فات وكت

_ بروح جدج عوفيني مخمود

ضليت ألح عليّ الحد ما گام مزعوج ويدردم دخل للحمام غسل وجهه وطلع

_ أشعدج من غبشه گاعده بويه بعيونج ملح ما تنامين

_ دگعد أكل

_ أي أگعد چا شنهي أضل أباوع بچهرتج

_ هوَ منو اللي كتل نفسه عليه

_ أهديرس صايره تتبغددين وتحجين حجي بغدادي

_ أي لعد شلون

_ ههههه راح تخربين شروگيتي بحجيج هذا

_ والله تتحمل غصباً عليك

_ أتحمل چا إذا صياد ما حمل أهديرس ياهو اليتحملها

سكتت مبتسمه كملنه گمت أغسل المواعين و هوَ وگف گدام الطباخ

_ أهديرس راح أسويلج چاي معدل

_ تعرف؟

_ أي أعرف حتى أطبخ مرات من ألتحق نتشارك بالطبخ

_ خوش نشوف چايك

_ أي أشّعليج گاعده وبس تعلفين

_ هايشه أني وأعلف؟

عض أصبعه

:- بالعباس أبو راس الحار أنتِ بربوگ و وحده فوصه

_ ههههه

_ تضحك الفوصه

خلصت المواعين گعدت وهو حط الشكر بالكواب

_ حتى أميرات ديزني مو مثلج گاعده ويجيها الچاي

گمت من مكاني أردفِت بضجر

:- اللهُ أكبر راح يطلع من خشمي الچاي

_ نوب تصيح الفوصه فوگ شينه گوات عينه

_ لا تخليني ما أشرب الچاي