غارقون_لا_مُحال
.
متابعه_تصويت
تعليق بين الفقرات
.
༺༻༺༻༺༻
ريحة المعقمات أخترقت خشمي فتحت عيوني أحس ألم براسي وكف أيدي بكف أيد سَند اللي مبتسم عليه وصافن
همست بتعب
_ سَند
_ روحه
باس راسي وهمس
_ الف مبروك
_ عليمن
طبع بوسات ع أيدي يباوعلي مبتسم وعيونه تلمع
_ راح يصير عدنه افروخ
ابتسمت بفرحه أردف مبتسم
_ الدكتوره تگول حامل
أبتسمت وأتمنيت ماما بهاللحظه چان فرحت هواي
سَند : يلا حبيبي نطلع؟
هزيت راسي گومني عدل حجابي طلعنه من المستشفى ركبنه السياره راجعين للبيت
مُده قصيره وصلنه
نزلت و هوَ لازمني من كف أيدي يمشيني ع كيف دخلنه للبيت اتلگونه البنات
نوارس : الحمدلله ع السلامه خيرچ؟
سَند : باركيلنه خويه حيصير عدنه فروخ
انطرشت أذني من الهلاهل ونجمه گامت تگمز
نجمه : الللللههه حصييير خاله
كفختها زينب ع راسها
زينب : عمه مو خاله
نجمه : لاا ماريد عمه نوب تطلع عليه سُمعة التسس
ضحكنه و سَند صعدني الدرج ببطئ دخلنه للغرفه غيرت ملابسي ونمت ع السرير
طلع سَند شويه ورجع بيده عصير برتقال شربته وأنطاني علاج وأتمددت بحضنه ضل يبوس براسي الحد ما غفيت
مرت أيام بحلوها وبمرها روتين يومي متكرر ماكو جديد
گاعده ع السرير وبحضني ماعون فاكهه أگشر وأكل دخل سَند راجع من دوامه أبتسم من شافني
سَند : أم حمودي صايره هايشه من الأكل
_ شعليك أوي خليني أشبع أبنك
أتقرب مني وباسني براسي
سَند : أم حمودي دوله وعلم
_ بعد روحي والله
سَند : والكاظم أحبنننچ
_ والكاظم أموت بيك
گعد بصفي يگشر ويوكلني ويبوس ببطني الچبيره حالياً بشهر الثامن وما ضل شي الولادتي
_ تتخيل الولد يطلع عليك؟
سَند : اتمنى يطلع عليه الولد وبنيه تطلع عليچ
_ ليش
سَند : أريد الولد نفسي وياخذ اطباع ابوه واريد بت الفوصه تطلع عليها ويصيرن عندي فوصتين
أنت تقرأ
غارقون لا مُحال
Misterio / Suspensoفتاة صغيره بين طيات الحزن ، صغيره جداً عَلى تقلبات الحياة ، باتت تهرب من نفسها تشوش عقلها كَي لا ترى أزدحام أفكارها والأسئله التي لا تملك أجابه لها بقيت مُشرده من روحها لا مأوى لها حاولت أن تسرق جناح ملاك وتطير للسماء دون عوده ولكن القدر كان يحكم...
