#غارقون_لا_مُحال
گعدت عَ المرجوحه حسيت بأحد أخترقني گمت أتنفس سريع
أهلوس
أحسب ارقام مخربطه
شفت البنيه نفسها سوده ، شعرها نازل ع وجهها ، عيونها بيض ، أيديها ترعب ، أظافرها طوال
أجت تحس عَ وجهي أتربطت أيدي بقيود وهميه ماگدر أمنعها قهقهت بصوت زرف طبلة أذني ودخل الرعب الگلبي
ضحكه شريره يتبعها صوت مُرعب يقشعر الأبدان يردد
:- موت ، موت ، موت
سديت أذني بمحاوله فاشله للهرب
:- عوفينيي أطلعي من غاسي
لحظات صمت يتبعها ضجيج
أصوات
هلاهل
صريخ
بچي
ضغطت عَ أذني بقوه أردد بدون توقف
:- دخيلك يا علي
دقايق قليله...بس صعبه!
صمت يتبعه خروج شي من جسمي
غمضت عيوني بتعب وألم بعد ما حسيت بحركه وراي
يتبعه صوت غريب ممألوف
:- ياهي أنتِ؟
★★★
تعبت من الركض وحسيت هالطريق ماله نهايه فجأه من بعيد لمحت حديقه كلها خضار و ورد
أنزرع الأمل بداخلي وأنرسمت أبتسامه عَ شفتي ركضت بأتجاهها وأريد أوصلها بسرعه بس الطريق طويل وميخلص
أستمريت بالركض إلى أن ظهرت گدامي حفره چبيره و واسعه لازم أعبرها حتى أوصل للحديقه
ألتفتت خلفي و أتجمدت بمكاني مستسلمه المصيري
★★★
دقايق وصدح صوت طلق عالي ومبين قريب وصار صياح ما أعرف منين والبيت أظلم بس ضوه خفيف
متت خوف .. فجأه أخترق أذني أصوات زلم بالباب سحبت المسدس لازمته بأثنين أيدي موجهته عَ الباب وأحاول أسيطر عَ رجفتي
أنفتح الباب ودخلوا 5 زلم ضحكوا بصوت عالي أتقدم واحد
:- شو يا حلوه
غمضت عيوني حيل وأريد أصوب عليه صرخت من صدح صوت الطلق بالمكان وأنسحب المسدس بقوه من أيدي
★★★
ضرب عقلي أخر لحظاتي قبل ما أغيب عن الوعي فزيت من مكاني أباوع بأرجاء الغرفه أحاول أستوعب الصار حلم لو حقيقه
هزيت راسي برفض أرجف وتنزل دموعي أكيد كابوس صح أكيد مصار شي
كابوس مو حقيقه هذا كابوس رفعت أيدي الشعري سحبته للخلف بقوه وأهز راسي بهستيريا لا لا لا ما صار شي
باوعت الروحي وحالتي يرثى لها يعني الصار واقع مو كابوس !!
★★★
طلعت وحدي أتمشى بالفرع
فجأه سياره أعترضت طريقي بلعت ريگي وردت أنهزم بس قويت روحي وكملت طريقي أكيد مو عليه
صاح الرجال
:- عموو وين رايحه؟
_ للدكان
أتقدم بأتجاهي رجعت للخلف وبحركه سريعه حط شي عَ خشمي ضليت أرافس وعيوني بدت تنسد وحدها وفجأه....
★★★
بلعت ريگي بخوف أباوعلهم وهو يحچي وياهم يبس ريگي ورجفت كل ذره بجسمي من بعد ما واحد رفع سلاحه و حط طلقه براسه وگعت جثته گدام عيوني ....
قريــبــاً....
أنت تقرأ
غارقون لا مُحال
Mystery / Thrillerفتاة صغيره بين طيات الحزن ، صغيره جداً عَلى تقلبات الحياة ، باتت تهرب من نفسها تشوش عقلها كَي لا ترى أزدحام أفكارها والأسئله التي لا تملك أجابه لها بقيت مُشرده من روحها لا مأوى لها حاولت أن تسرق جناح ملاك وتطير للسماء دون عوده ولكن القدر كان يحكم...
