غارقون لا مُحال

البارت التاسع

#غارقون_لا_مُحال
.
متابعه_تصويت
تعليق بين الفقرات
.
༺༻༺༻༺༻
جمدت بمكاني لحظات أباوعله والدم يسيل من جواه أستوعبت الموضوع صرخت بصوت مفزوعه

_ أبووو لهببب

ركضتله قرفصت بصفه أبچي ماعرف شسوي گمت أضرب ع خده أتوسل بي يگعد دقايق وگام يون

:- أهديرس

_ ها ها يمك گوم لا تخوفني حباب شبيك

فتح عينه يباوعلي وحبات العرق تنزل من جبينه همس

:- لا تبچين

باوعتله أشهگ

:- گوميني

لزمت أيده وحاولت أگومه بس حيل ثگيل رفع روحه بصعوبه يون وگفت أسنده أمشي بي للغرفه شمر روحه عَ الفراش يحچي بصعوبه وصوت نفسه عالي

_ حمي سچينه عَ النار وتعاي

هزيت راسي بسرعه وركضت للمطبخ حطيت سچينه عَ النار وركضت يمه لگيته مغمض عيونه

لزمت وجهه بسرعه أبچي وأشهگ

_ لا تعوفني حباب لا تعوفني ما عندي غيرك

رفع كف أيده الوجهي فاتح عيونه عَ النص

:- اششش ماعوفچ ، جيبي السچينه

گمت من مكاني أركض متغاضيه عن ألم رجلي بس المهم ميموت ويعوفني ، لگيت السچينه صايره جمر طفيت النار وأخذتها رجعتله أركض

فتح عينه باوعلها وهمس

:- طلعي تلفوني فتحي الفلاش

عفت السچينه عَ صفحه ومديت أيدي بجيوبه أدور عَ التلفون طلعته فتحت الفلاش أشر عَ السچينه شلتها وقربتها منه

شگ قميصه يون

:- ضويلي اخخ

قربت الضوه عَ كتفه وهوَ ينزف هواي

:- غمضي عيونچ لا تفتحين أبد

هزيت راسي أرجف وغمضت عيني ثواني وحسيت صار صوت شوي وصوت وناته عاليه عصرت عيوني قوي ودموعي تزيد

:- اخخخ الله

سمعت صوت السچينه أنشمرت من أيده فتحت عيوني لگيته ساند راسه عَ الحايط وحالته حاله

:- أهديرس شدي مكان الجرح بقميصي

هزيت راسي وعفت التلفون شگيت قميصه الباقي وشديت كتفه قوي باوعتله غمض عيونه ورخى جسمه

أتهسترت عبالي مات

_ لا تعوفنييي لا تعوفنييي

همس بصعوبه

:- ما عوفچ

رجع فقد وعيه أتطمنت بعده عايش عدلت جسمه وخليت راسه عَ المخده گمت أعرج رحت للحمام جبت وصله وطاسة ماي