#غارقون_لا_مُحال
.
متابعه_تصويت
تعليق بين الفقرات
.
༺༻ ༺༻༺༻
قرفصت گدامه حطيت أيدي عَ ركبته
_ بحغ وداعة ماما ما عندي شي ويا وداعتك بيش تريد أحلفلك .... بس
باوعلي عيونه حمر من العصبيه
بحر : بس شني!
_ چنت أحبه
باوعلي بذهول وهمس
بحر : وهسه؟
حاوطت وجهه بكفوف أيدي
_ هسه أحبك وأموت بيك وأنتَ كلشي حلو بالنسبه الي
زفر وحضني طگيت بچي وگمت أناشغ
بعدني عنه يمسح دموعي ويهمس
بحر : لا تبچين بويه أشش أسكتي
_ بحغ
بحر : حيـله
_ والله ما احبه وحتى نسيته بس أحبك أنه
رجع حضني
بحر : عوفي كافي سدي السالفه
سكتت بس غصه بصدري أبتعدت عنه
_ أصبلك غده؟
بحر : لا بويه ماشتهي
_ ليش ما تغيد؟
بحر : ماشتهي
باوعلي وجر أذني
بحر : تسدين التلفون بوجهي بعد؟
_ لالا تووووبه
بحر : ههههه عفيه عفيه
_ هالأيام ماغي ماكو هم يخابغك سند؟
بحر : لا ماكو
_ أنطيني تلفونك خل أخابر من عنده
سحبه من جيبه أخذته أتصلت عَ ماريان دقايق و ردت گعدت عَ رجل بحر وهو يلعب بشعري حچيت وياها شويه وسديته
دخلت للحمام بدلت وطلعت لگيت بحر نايم غطيته ونزلت يم البنات
بدينه نحضر بالعشه مرت فتره وسمعنه صوت ورانه
_ الله بالخير
ألتفتنه لگيناه ياسر
_ هلا خويه الله يساعدك
ياسر : ويساعدچ
دخلت للبيت دقايق وأذن باوعت الجواهر
_ غاح أکعد بحغ وأجيچ
جواهر : روحي حبيبتي
صعدت للغرفه دخلت شغلت الضوه لگيت بحر گاعد عَ القنفه وشكله مبعثر مبين ستوه گاعد أبتسمت
_ صلاة حبيبي
هز راسه بأيجاب
_ حظريلي ملابس
أتقدمت للكنتور طلعتله ملابس وهوَ دخل للحمام رن تلفونه بهالأثناء رحت شفت أسم المُتصل ، طلع بحر من الحمام
أنت تقرأ
غارقون لا مُحال
Misteri / Thrillerفتاة صغيره بين طيات الحزن ، صغيره جداً عَلى تقلبات الحياة ، باتت تهرب من نفسها تشوش عقلها كَي لا ترى أزدحام أفكارها والأسئله التي لا تملك أجابه لها بقيت مُشرده من روحها لا مأوى لها حاولت أن تسرق جناح ملاك وتطير للسماء دون عوده ولكن القدر كان يحكم...
