#غارقون لا مُحال
.
متابعه_تصويت
تعليق بين الفقرات
.
༺༻༺༻༺༻
# روزان
صراخ
بكاء
أنهيارات
فوضى
أحتلت بيتنه النسوان والجوارين بمحاولة مواساة عائله عن فقدان أولادها
أمي منهاره وتلطم وتنعي
بابا وأخواني طلعوا مكسورين ظهرهم
ماريان لامه رجليها الصدرها وگاعده بأحدى زوايا البيت بعد ما فقدت سندها الاخير
أصوات عاليه وفوضى مزعجه بالمكان عكس هدوئي وثباتي
ذول شيحجون؟
شنو ماتوا؟
شنو خسرناهم؟
جلال وعدني
گال بعظمة السانه " أرجعلج"
وعمو قحطان كذلك مستحيل يعوفني
هزيت راسي بنفي چذابين چذابين
مماتوا حيرجعون جلال ميعوف أخته أكيد ميعوفني
گعدت عَ الدرج باد حيلي صفنت عليهم وعقلي فارغ
گعدت بصفي أيلاف عيونها مورمه باوعتلها نزلت دمعه من عيوني
:- مات !!
حضنتني تبچي بصوت عالي اتأكدت أنُ فعلاً مات بادلتها الحضن وبجيت
حسيت الهوى أنگطع عني أختنگت گمت أجر النفس بصعوبه حست عليه أيلاف لزمت وجهي بخوف
:- شبيج روزان؟
أشرتلها عَ گلبي الحسيته حيوگف من الوجع
صرخت بعلو صوتها
:- جميييله ألحگييي روزاااان گلبهاا
طلعت جميله شافتني وركضت تجيب العلاج شربتني وأردفَت بقلق
:- تحتاجين تنفس؟
هزيت راسي بنفي دخلت للمطبخ والبنات يساعدنها وأني أباوع بالوجوه متأمله يدخل جلال عايش
بهالاثناء دخل أحمد لابس دشداشه سوده ولاف الچفيه طالعات بس عيونه دخل مستعجل راد يصعد شافني دنگ عليه حضنته حيل أبجي وأناشغ
_ جلال غاااح أحمد ، جلال شلون بي هو ما يحب التغاب(التراب) يختنگ شلوون يصيغ جوه
بچه بصوت وصاح مخنوگ
:- يااااا بوييهه
زادت أمي بالبچي عَ حالتنه وأحنا متحاضنين ونبچي
بعدني عنه مسح دموعي وباس راسي
:- لا تبچين خوش تدرين جلال ما يحب يشوفج تبچين
هزيت راسي وأحس بنار بگلبي صعد أحمد فوگ شويه ونزل بيده ملابس التخرج مال جلال وأحمد حجه ويا جميله وطلع
گعدت أمي بالنص وفارشه ملابس جلال گدامها تبچي وتصيح
:- اخخخ يا يمه يا جلال يابو طول الحلو
دنگت تبوس بيهن
:- يمه بيهن ريحتك يجليل يمه يالحنين
لطمت عَ صدرها
أنت تقرأ
غارقون لا مُحال
Mistero / Thrillerفتاة صغيره بين طيات الحزن ، صغيره جداً عَلى تقلبات الحياة ، باتت تهرب من نفسها تشوش عقلها كَي لا ترى أزدحام أفكارها والأسئله التي لا تملك أجابه لها بقيت مُشرده من روحها لا مأوى لها حاولت أن تسرق جناح ملاك وتطير للسماء دون عوده ولكن القدر كان يحكم...
