#غارقون _ لا_مُحال
متابعه_تصويت
تعليق بين الفقرات
༺༻༺༻༺༻
أباوع الجثته ودموعي ينزلن وشفايفي ترجف بخوف شافني واحد من الزلم ركض بأتجاهي فتح الباب وسحبني حيل من أيدي ضليت أصرخ
:- عوفنيييي عوفنيي والله ما مسويه شي
_ أسكتي أسكتي
حط كلينكس عَ خشمي وبعدها فقدت الوعي
گعدت بعد مده أحس راسي شـثگله وجسمي نحلان ماگدر احرك أصبعي
رفعت أنظاري للبنيه اللي أتقدمت مني تتساءل
:- شلون صرتي؟
_ وين أني؟
_ أكو أثنين مسلحين جابوچ للموصل
أتسعت عيوني بصدمه وأردفِت برعب
:- يعني أني عند الأرهاب؟!!
_ لا مو كلش عند الدواعش أنتوا ببداية الموصل تگدرين تطلعين بس لازم بمساعدة أحد لأن النقطه مال جيش قريبه منا
هزيت راسي وحل الصمت بالمكان كسرته بسؤالي وأترقب جوابها بقلق
:- شنو مصيري؟
رفعت أكتافها بعدم معرفه وطلعت باوعت بأرجاء الغرفه حالتها حاله وقديمه حيل وأصوات الطلق مستمره من بعيد
وسط صفناتي وتفكيري بمصيري دخل واحد طويل ومعضل وشواربه يخوفن أردف بلهجه سوريه
:- كيف حالك؟
باوعتله بدون رد أسترسل
:- منيحه ما هيك؟
هزيت راسي أتقدم مني بخطوات بطيئه
_ كيف وصلتي لهون مين جابك؟
باوعتله بخوف بس حسيت أنزرع أمل بداخلي أطلع منا عن طريقه سولفتله الصار وهوَ يهز براسه
_ شني أسمچ؟
_ أنتَ عراقي؟!
_ أنا بحكي عراقي
هزيت راسي گام وصل للباب وألتفت عليه
:- بدك شي؟
_ أي
_ أحكي شو بدك
_ ليش هيچ وياي تعاملك سمعت أنتوا تاخذون شرف البنات وتكتلوهن
أتجاهلني وطلع باوعت بأنحاء الغرفه لازم أطلع منا لازم أتغلب عَ الخوف وأصير قويه الى متى اضل ضعيفه
غمضت عيوني بنعاس وغفيت فزيت عَ صوت البنيه تگعدني
_ أگعدي
_ شكوو؟؟
_ گومي يردون يحطونچ ويا بقية البنات
_ شـ شنو ليش؟
أنت تقرأ
غارقون لا مُحال
Mystery / Thrillerفتاة صغيره بين طيات الحزن ، صغيره جداً عَلى تقلبات الحياة ، باتت تهرب من نفسها تشوش عقلها كَي لا ترى أزدحام أفكارها والأسئله التي لا تملك أجابه لها بقيت مُشرده من روحها لا مأوى لها حاولت أن تسرق جناح ملاك وتطير للسماء دون عوده ولكن القدر كان يحكم...
