#غارقون لا مُحال
.
.
متابعه _تصويت
تعليق بين الفقرات
.
༺༻༺༻༺༻
بلعت ريگي أباوع العيونه اللي يطاير منهم
شرار أردفِت بصوت يرجف
:- ياسين
لطمني بيده عَ حلگي شاغت روحي وأستمر يسوق الحد ما طلعنه للشارع العام وأنه دموعي تنزل وسط توسلاتي أله حتى يرجعني وأحسه ماخذني الحبل المشنقه
صارت عيني عَ الشارع من بعد ما چانت ثابته عَ ياسين أنرسمت أبتسامة أمل عَ شفايفي وأنه أشوف سَـند مقاطع الطريق بسيارته وگاعد عَ بنيد السياره والجگاره بين أصابعه
ياسين : خرااا بالحظ هذا شجابه
داس ياسين عَ البريك وگف السياره ونزل وبنفس الوقت نزل سَـند ذب الجگاره وداس عليها
أتقدم بخطوات ثابته بأتجاه ياسين وملامحه جامده وفجأه بدون مقدمات ضربه بوكس حسيته كسر خشمه
شهگت وحطيت أيدي عَ حلگي وهو مستمر يضربه الحد ما صار جثه عَ الأرض
أتثبتت عيونه عليه وأتقدم فتح باب السياره باوعتله مبرطمه وأبچي سحبني من أيدي وأتمشينه السيارته فتحلي الباب ركبت وهو هم
باوعت الأيده كلها دم مسحت دموعي وهمست بخفوت
:- أيدك
صفن بوجهي ثواني غمض عيونه و زفر بتعب
:- شلون تصعدين ويا؟
_ عبالي أنتَ والله
_ جبتي أوراقچ؟
_ أي
هز راسه حرك السياره مر وقت والصمت محتل المكان وهو عين عَ الطريق وعين عليه
أخذت نفس بلعت ريگي وأردفت بتساؤل
:- وين رايحين؟
_ البغداد
باوعت للطريق دقايق وداس بريك ألتفتت عليه ردت أسأل سحبني حاضني الصدره ولازم راسي أخذ نفس بقوه
:- اخخ ياا عطرج
حاوط وجهي بكفوف أيده وأتقرب مني باسني براسي وأردف عيونه بعيوني
:- صرتي بأمان ويا صيادج ، صحيح غارگين بالعثرات بس مادام سوا نتخطى كلشي
هزيت راسي بأيجاب ونظرات عيونه تتنقل الملامحي أستقرت نظراته عَ شفتي بلع ريگ وبّعدني عنه يستغفر
حرك السياره وأتوجهنه البغداد والشمس شرقت سندت راسي عَ الجام أفكر بردة فعلهم من يگعدون وميلگوني ، خوالي شنو حتكون ردة فعلهم
جريت حسره ماعرف إذا حرجع بعد او لا وماعرف اذا حشوف روزان او لا
قاطع شرودي صوته يستفسر
_ بيمن تفكرين؟
_ بيت سيد صگبان ، خوالي شلون بيهم؟
لزم كف أيدي
أنت تقرأ
غارقون لا مُحال
Mystery / Thrillerفتاة صغيره بين طيات الحزن ، صغيره جداً عَلى تقلبات الحياة ، باتت تهرب من نفسها تشوش عقلها كَي لا ترى أزدحام أفكارها والأسئله التي لا تملك أجابه لها بقيت مُشرده من روحها لا مأوى لها حاولت أن تسرق جناح ملاك وتطير للسماء دون عوده ولكن القدر كان يحكم...
