ـ
مساء الحُب حلويني ..
أولًا أخباركم و اخبار اختباراتكم ؟
عسى ربي يوفقكم و يكتب لك شخص الخير و يسهل عليكم ..
ثانيًا ظروفي الصحية هي اللي منعتني احدث الأسبوع اللي راح و قبل
يومين سويت جراحة لأسناني لهالسبب كنت بعيدة حتى عن باقي مواقع
التواصل و شكرًا للي سأل عني و شكرًا للي سأل عن البارت بس هههههههه ..
لهالسبب أنا ما أحب احط يوم محدد أنزل فيه لأنو فيه ناس تقدر الظروف و ناس على طول
تقول أن الكاتب سحب و عشمهم ع الفاضي لذا ابتداءًا من هالبارت ما راح يكون
التحديث يوم الجمعة راح يكون متى ما خلصت البارت بنزله و ان شاء الله
ما راح أطول عليكم بس ع شان محدد يسهر بيوم محدد و تجيه خيبة أمل ..
المهم هذا البارت عبارة عن ( بارتين ) عن الاسبوع الماضي و هذا الأسبوع ..
ملاحظة * أنا احب المفاجأت و عدم التخمين ..
قراءة ممتعة ..
ـ
" سلام الله على ديون العاشقين "
-
خليل ضل يطبطب على ظهر سدن وتارك
له المجال انه يبيكي براحته بدون ما ينطق بأي شي ..
بعد دقايق كانو جالسين جنب الكراسي اللي قبال المدرسة
و يشربون عصير ليمون ..
سدن وهو يحرك الكاس وعينه عليه : بس احس شكلك
مو الي يوصل للتنمر .. شخص طبيعي ..
خليل : شكلي اللي تشوفه الحين بعد ما نحفت قريب ٢٠ كيلو ..
سدن التفت له : جد والله !! ما شاء الله
خليل : طبعًا وقفت دايت ورياضة من زمان وابوي
ما غير يهاوش لمّاح كل ما قابله .
سدن : شدخل لمّاح ؟
خليل ابتسم : لمّاح هو اول صديق حقيقي مقرب لي
ع ارض الواقع هو اللي دخلني نادي و خلاني امشي ع دايت
