مورفين

أنيس

مساء الحُب حلويني شخباركم ..

اعتذر ع التأخير و البارت طويل لعيونكم ..

طبعًا مثل ما تعودتو اللي ما نذكرهم هالبارت

نذكرهم البارت الجاي اوك ؟

تفاعلو فيه ، و أحبكم ..

ـ

" هل لي بِك ؟ "

ـ

كانت المسافة بينهم .. يمكن 30 خطوة قدم ..

و خطوة وحدة ..

الصمت بعد دخول جبران ما استمر ثواني ، بس هم

حسوا فيه بُرهة زمن ..

منيرة قربت من جبران و أخذت الورد من يده : الله يا كثر

الورد ..

لمى تحركت شوي : اخليكم الحين ..

مرت من جنبه و طلعت وهو التفت لجهة الباب ..

منيرة : يا ربي أحرجتها كثير ..

جبران التفت لأمه : هي جات تكشف على أبوي ؟

يعقوب : لا هذي صديقة أمك الجديدة .

جبران : هاه !

منيرة : اعرف الناس من النظرة الأولى ..

جبران قبض شوي بيده و التفت للطاولة : يلا للأكل ..

يعقوب كان ماسك جواله و ارسل رسالة ونزل جواله

ع الطاولة ..

منيرة وصلها تنبيه الرسالة بس ما رفعت جوالها تشوف

لين جلست بعد و بدأت تآكل و بعدها قرأتها ..

يعقوب : لا تقولين له انها ذكرت بـ حنين ..

منيرة قرأت رسالته بس ما ردت عليه و رجعت تآكل ..

هو بس أكل لقمتين ووقف : تذكرت عندي شغله اسويها برجع

بعدين ..

طلع برى الغرفة و نزل لجهة العيادات ..

هي غيرت ملابسها و طلعت و تو بتركب المصعد هو لحقها

وناداها ..