مورفين

الموعد الأخير

ـ

اهلآ حلوياتي شخباركم ؟

اعتذر عن القطعة المفاجاة بس ظروفي الصحية ما كانت تمام

و للحين شوي بس مقدر ما أكتب لعيون نورا و اخليها و اخليكم تنتظرون اكثر .. 

احبكم و احب حماسكم و هالبارت الطويل هو سهرتكم .. 

قراءة ممتعة ..

ـ

" و أنا الذي استدّل بعينآك هُدى تيه سنينه " 

ـ

رائف كان يبي يستوعب كلمة معن ..

بس ما ترك نفسه يفكر حتى ثواني و ركض بسرعة وراه ..

مسك يده و معن وقف له ..

رائف : اسمعني طيب ليش تبي تروح كذا ..

معن : م ابي اسمعك .

رائف : م ابي ابرر شي بس ابيك تعرف الحقيقة معن أ

معن : الحقيقة شفتها بعيني وش تبي تبهر ؟

رائف فز : ووش !

معن : تصدق عاد .. هي اصلًا العلاقة المفروض م ابتدت ..

رائف فتح عيونه بأوسعها بيتكلم بس معن مر من جنبه و بعد عنه ..

وقف بنفس المكان ..

قلبه يدق هو خوف .. هو مو مستوعب كل اللي صار ..

رجع لداخل بسرعة و شاف عنان و ركض اتجاهه ..

عنان لما شاف رائف يقرب منه ..

هو عرف ..

انه يمكن خسر رائف للأبد الحين .

رائف شبه لصق فيه و ضرب صدره بقوة لدرجة رجع عنان خطوة ..

رائف وهو معصب بس كان يهمس ع شان م يسمعونه الناس : ليييش سويت كذا !

ليش ترسل له هالصورة ليش دبرت هالسالفة كلها و الافلام !

أنا اللي م خليت انس يروح م

عنان قاطعه : سمعك هو ؟

رائف صك بإسنانه : شلون تبيه يسمعني و أنت مسوي كذا فيه ؟

عنان : و م يسمعك بعد و يروح .. هل هو صح يحبك ؟