مورفين

أنصاف

صباحكم و مسائكم حُب حلوياتي .. 

شكرًا لتفاعلكم الحلو اسعدتوني .. 

و الرواية مثل ما ذكرت خفيفة لذا بتحسون 

بطعم السكريات و أنتو تقرأون مو عميقة و لا معقدة 

هي زي قسط من الراحة قبل رواية كهيم اللي بتكون 

مضادة لها .. 

بارت طويل جدًا لعيون الناس اللي انتظرت .. 

قراءة ممتعة .. 

ـ

" من أجلك فقط .. أنا استطيع أنا أصنع معجزات سبع أخريات "

ـ

بعد  ما ركب سيارته حط يده ع فمه .. 

قلبه ينسمع من كل جزء في جسمه وهو يدق بقوة ..

ميل جسمه شوي ع كرسي السيارة و ابتسم ..

أما عند رائف بعد بوسة معن له ..

م تحرك و ما تكلم و ما سوى اي ردة فعل ..

معن طلع من جنبه وهو لسه واقف في نفس مكانه ..

وهو بعد دقات قلبه ما كانت أهدى من الإعصار اللي في صدر معن ..

يحس بحرارة جسمه كلها متجمعه في وجهه و حتى وهو بيآخذ 

نفس ما قدر ..

أبو رائف اللي اتصل على ولده كذا مرة و ما رد رجع المجلس

وشافه واقف وأخذ نظره على المجلس .

أبو رائف : شفيك واقف كذا ؟ وين معن ؟ ليش ما خليته 

يجلس يتعشى ؟

رائف كأنه كان يطفو و أحد أنتشله من الماي ع طول انتفض والتفت لأبوه ..

رائف : م.. مدري هو راح كان يبي يسلم بس ..

أبو رائف : فشلة .. و أنت ليش قاطعهم كذا ؟ هذا هم صارو في نفس 

مدرستك أنا مو شايف من قطاعتك سبب صراحة ..

رائف نزل عيونه و ما علق على أبوه .

هو وين ..

و أبوه وين ..

مشى من جنب أبوه لغرفته و ع طول طيح نفسه ع السرير .