للتواصل انستا zahraaahmedn99
علقوا بين الفقرات+ صوتوا للبارت+ تابعوا حسابي عيناي انتوا.
شاركوا القصه حتى نستمتع وي مهيائيل مع بعض
_______
كان الامر اشبه بغلق الباب على اصابع شخص ابكم..
طريق اسود ماكو احد أصوات بعيدة وهمس بأذني، شي حار ينزل من جسمي بين الوعي واللاوعي شفته تقدم مني بدشداشته البيضه وبوجهه النوراني لزم أيدي ورحت وياه لغير عالم،
همهمات وكلام غير مفهوم أسمع، منو وليش وشلون؟
اريد افتح عيوني حتى اعرف اني وين ما أكدر بس العطر القوي اللي مر على أنفي خلاني استرجع هذا وين شامته بالأخير ركزت، هاي ريحته، بخور على عود، فتحت عيوني بثقل ضوه قوي ضربهن خلاني اسدهن بسرعة، بقيت مغمضه شويه حتى حسيت بأيد لامست أيدي وعصرتها والصوت مالته صار واضح وهو يصيح على الأطباء دقايق مرت والأصوات كثرت ومعرفت أميز اي شي وآخر كلمه مرت على أذني قبل ما افقد الوعي هي،
"عدت مرحلة الخطر"
قُبلات توزع على أنحاء وجهي، وثقل على جبيني وأيد اداعب شعري، رجعت شميت نفس العطر كدرت اميزه من بين كل الروائح الموجوده بهذا المكان هذا:
"ساحر القرن"
فتحت عيوني بتعب وكأن مافاتحتهم من فتره طويله احس بثكل عليهم، الصوره مشوشه بسبب الضوه القوي وبعدني ممتعوده عليه، رجعت غلقتهم وفتحتهم مره ثانيه، جان أول شخص اشوفه لابس دشداشه بيج وبدون غتره لأن راسه ملفوف، أجت عيني بعينه مكدرت احجي كلمه بسرعة نزلت دموعي، جان كاعد بصف السديه على كرسي نهض من مكانه وكعد يمي قرب أيده من خدي ومسح دموعي وحجه بأبتسامه.
مهيائيل: الحمدلله على سلامتج يعمري.
حجيت بتعب.
ايريم: الله يسلمك بس شنو صار ليش احنه هنا؟!
مهيائيل: صار حادث واحنه نمشي بالسيارة عدت على خير لتفكرين هوايه ورجعي نامي لازمج راحه واني راح اصيح الدكتور.
اجه يكوم لزمت أيده وكلت.
ايريم: شلون صار الحادث؟
ليش ما اذكر اي شي؟!
مهيائيل: طلعت سياره بوجهنه تمشي سريع وندعمنه وبالنسبه ليش متذكرين راح اسأل الدكتور ارتاحي انتِ.
طلع واني بقيت صافنه بالسكف معقوله نسيت شلون صار الحادث لو هو يكذب عليه؟
أكثر من سؤال حاوط عقلي بعدين نتبهت اهلي ماكو معقوله ماعدهم علم؟
لو هُمَ ممهتمين إليه؟
رجعت للواقع على صوت الباب دخلت دكتوره فحصتني وطلعت وهو راح وراها، مهتميت لأي شي وعقلي كُله يفكر شلون صار الحادث؟!
وليش ما اذكره؟
إحساس غريب بداخلي واسأله اعرف هو الوحيد اللي يكدر يجاوبني عليها بس مراح يسويها واضح حيل من طريقه كلامه ويايه قبل شويه وطلعته من الغرفه وراها انو اكو شي مضموم ميريدني اعرف بيه،
أنت تقرأ
مهيائيل
Espiritualفي بلد العجائب يَسكُن ساحرٌ لئيم ليس لدية رادع حتى القرآن الكريم بين كفيه سِحرٌ يجعل النساء عقيم شباب سكُرى ليس من خَمرٍ قديم تارك الصلاة قاطع الأرحام مشعوذٌ قوي وعربيد ظالم من هو؟؟؟ وما هو!!! قط أسود وامرأة مجنونه عين حمراء ودماء منثوره ويد عن الخ...
