شغف كلي

شغف..1

*هاد هو الفريق بيرجع بمرتده خطيره... هاهي لاعبة الجناح الأيسر لينا عيسى بترجع بالكره لتستلمها نجوى يحيى لاعبة خط الوسط بتمرر نجوى الكره للاعبة الدفاع امل خزامي بتستلم امل الكره محاوله المرور نحو منطقه الجزاء وهاي هي رميه عرضيه من امل... ايفا تستلم الكره ايفا تحاول المرور.......هدف......

                            ☆☆☆

- مرحبا انا ايفا لاعبة كرة قدم بنادي سما للسيدات انا قائدة وهدافة فريقي بلعب كمهاجم وأفضل لاعبه بالدوري عمري سبعه وعشرين سنه كرة القدم هي شغفي الكلي حلمي اني انضم للمنتخب كلاعبه اساسيه........
.
.

* ايفا اللاعبه الأكثر تميز لدوري كرة قدم السيدات بشعرها الأسود القصير وجسمها الرياضي الممشوق طولها المثالي بشرتها البيضاء الجذابه وعيونها الرماديه الناعسه والحاده بنفس الوقت شفايفها الصغيره والمليانه شوي جمالها ممكن يعمل ثوره رغم مظهرها الرجولي وجسمها الخالي من اي معالم انثويه.
.
.

ايفا pov.

عم تحتفل ادارة نادي سما بالفوز في اسطح واحد من افخم الفنادق، رغم ان الكل كان هنيك الا اني حسيت بوحده موحشه، بعدت عن الكل وتوجهت ع البلكون تاشرب برواق، بتطلع ع العالم تحتي وابتسم بسخريه.
- مبين العالم هادي كثير من هون والحقيقه عكس هيك تماماً.

انا هنا بمفردي كعادتي...
رغم وجود الكل حولي...
أشعر بالنقص رغم كمالي...
وبالقبح رغم جمالي...
أشعر بيدا تتسلل لعنقي لتخنقني...
أرفض الدفاع عن نفسي...
أرفض وبشده!...
.
.

قاطع يأسي الشديد الكوتش عزاوي مدرب الفريق والاب الروحي لالي.
- هاي هي هدافة فريقنا العظيمه صارلي فتره منيحه عم دور عليكي.
= بتعرفني مابحب التجمعات ولا راح حبها. (تبتسم بهدوء).
- هههه اي بعرف بس هلق انتي الافضل والكل هون تيهنيك ع الفوز.

حط ايده ع كتفي وابتسملي بحنية الدنيا كلها بعمري ماراح انسى انه الوحيد الي وقف معي وحبني بكل حالاتي، الشي الي كان المفروض احصل عليه من ابي عم احصل عليه من حدا غريب عني، برجع اطلع للابنيه الموجوده حولي بحزن.
- لك حتى هالابنيه سعيده اكثر مني.

* شعور الخذلان الي بتتجرعو من اقرب الناس لالك
كيف ممكن تداويه الايام؟!
كيف ممكن ترجع توثق بالعالم بعد كل هالطعنات الي لساتها عم تنزف جواتك؟!!

                          ☆☆☆

*غرفه بارده وظلام دامس صوت المنبه عم يرن مره واتنين وثلاث ومازالت ليلى بسابع نومه....
.
.

مرحبا انا ليلى صحفيه وكاتبه عمري اربعه وعشرين سنه الصحافه هي شغفي الكلي وحلمي صير سامسون الشرق....
.
.