شغف كلي

شغف..5

كيف نسامح ونغفر لمن سلبو منا ارواحنا بقسوه وجعلونا نعيش على متنها كاشباح تائهه لاتشعر سوا بالم لايحتمل...
.
.

ايفاpov.

رحت ع التمارين بكير وكنت نشيطه بزياده.
- ماشاء الله مين انتي ماعرفتك؟!
- هههههه عنجد؟!
- لما بتنامي بكير وتصحي بكير هيك بتصير لياقتك.
- انا الافضل بكل الحالات.
- اي انتبهي لا توقعي وتكسري راسك. ( قالها بسخريه).
- ماراح أوقع طمن حالك. ( غمزته وابتسمت ليطالعني ويشيل عينه عني ويحرك راسه بقلة حيله).
بلشت فكر بليلى مابعرف شو الي عم يجذبني فيها، كانت جميله فوق مابتتخيلو بس لسانها مابيطالع غير سم وشتايم، وعم تغلط كتير معي بالحكي لهيك كان لازم ربيها شوي وعرفها مين انا.
- اي صح كوتش، انا موافقه.
- ع شو؟!
- راح ارجع اعمل المقابله، بس بشرط.
- اي وشو هو؟!
- ليلى هي الي راح تعملها.
- ليلى؟! عنجد؟!
- اي هاد هو شرطي.
- حلو وكيف لحتى غيرتي رأيك؟!
- لا ولاشي بس حسيت حالي ظلمتها كتير المره الماضيه.
- منيح راح احكي مع الياس لكان ونحدد موعد.
- اي ماشي بنحدد، ليش لا. ( خلصت كلامها بصوت واطي ابتسمت ورفعت حاجبها بخبث).
.
.

ليلىpov.

قاعده ع مكتبي وعم اشتغل برواق اخيراً.
- ليلى فيكِ تجي ع مكتبي شوي؟!
- حاضر. ( لحقته ع المكتب وكنت هادئه كتير عكس امبارح).
- شوفي الن؟!
- اقعدي شوي بدي احكي معك.
- اي شو القصه الن قلقتني؟! ( سألته بعد ماقعدت).
- لا لاتقلقي، حكا معي الياس قدر يحصل على مقابله جديده مع ايفا.
- اي منيح، بس شو دخلني انا؟!
- اي هون المشكله.
- مافهمت.
- بدها انتي تعملي معها المقابله.
- شو؟! شو هالجنان؟! مستحيل طبعاً.
- ليلى روقي واسمعيني.
- لا الن بعتذر بس مستحيل ارجع روح لهنيك وشوف هالغبيه الي اسمها ايفا مرا ثانيه.
- ليلى انا بعرف انها غلطت معك، ميرا حكتلي كل شي صار، بس للاسف احنا مجبورين نقبل شرطها.
- شرطها هاد كرمال ترجع تذلني مو اكثر من هيك.
- لا ليلى هالمره ماراح تغلط معك بالحكي كوتش عزاوي وعدني انه راح يتواجد في المقابله معكن بنفسه.
- اي وشو يعني كوتش عزاوي؟! هالمخلوقه مابتحترم حدا، ولابتعمل حساب لحدا الن.
- بلا ليلى بتعمل حساب لكوتش عزاوي وبتحترمه كتير والوحيد الي بتتعامل معه بطريقه مختلفه لهيك وجود كوتش عزاوي راح يضمن انكم ماتتعرضو لأي اساءه منها، راح تروحي انتي وميرا وتعملو المقابله وانتهى.
- بس انت هيك عم تجبرني الن.
- لا ماعم اجبرك ليلى عم قدم لك طبق من ذهب، بكره بتشوفي كيف راح يلمع اسمك بعد هالمقابله وراح تتشكريني كتير، هلق فيكِ ترجعي ع مكتبك.
- بس الن.
- خلصنا ليلى، تفضلي ع مكتبك.
- ماشي. ( طلعت من المكتب معصبه كثير وقعدت ع مكتبي وانا عم فكر شو لازم اعمل لياخدو حدا غيري).
.
.

ايفاpov.

كان مزاجي منيح وعم اشرب قهوه برواق لمحتها داخله النادي ابتسمت بانتصار كنت عارفه انها راح تجي، شربت قهوتي ولحقتها ع غرفة المؤتمرات كانت قاعده هنيك لوحدها بعد ماطلعت رفيقتها.
ايفا: اهلاً بام لسان سليط.
ليلى: يا الله صبرني.
ايفا: شو كيفك؟!
ليلى: شو بدك مني ايفا؟! لشو بدك احنا نعمل المقابله؟! ولا ليكون بدك تذلينا متل اخر مرا.
ايفا: شو هالعقل الي عندك، بصراحه فكره منيحه مافكرت فيها ابداً.
اطلعت فيني بعصبيه وحاولت تمسك حالها كرمال ماترد علي وارجع الغي المقابله، اما انا فكنت عم اتأملها وابتسم، عندها جمال ساحر بيأسرك وبيأخذك ع عالم تاني.
.
.