شغف كلي

شغف..22

وكأنها الحلم المستحيل، وكأنها دعوة استجابت في ليلة القدر، وكأنها اليسر بعد العسر...
.
.

ليلىpov.

مجتمعين ببار رجا وعم نحتفل ونشرب نخب سلامة ايفا مع رفقاتها طارق وتارا وانا وميرا ايفا ورجا عم نحكي ونضحك ونرقص.
طارق: رجا ولك امتى بدك تفكر فيني بجدية؟!
رجا: اوخ اخرس.
ضحك الكل وهون وقعت عيني ع ايفا الي كانت مقابيلي وعم تتأملني مع ابتسامة طرفية صغيرة، حسيت بحرارة غريبة بس شفت نظراتها وبلعت ريقي بصعوبة والتوتر بان علي، ابتسمت بخبث وغمزتني، شلت عيني عنها وبلشت العب بشعري لخبي توتري.
رجا: ليلى انتي منيحه؟!
اكتفيت بابتسامه وحركت راسي ايجاباً.
طارق: شو بدك فيها رجا؟! اترك البنت بحالها، مبين في اشياء جديده اكثر متعه راح بتصير بالايام الجايه.
غمز ايفا مع حركة راس تأكيديه، اما ايفا فاكتفت بابتسامه كرد ورجعت تتأملني، حسيت نظراتها عم تحرق كل تفصيله بوجهي، همست لميرا اني بدي روح ع دورة المياه فقمت من الطاوله تحت انظارها، مابعرف ليش اطلعت بعيونها وحركت راسي بمعنى الحقيني، فتت ع الحمام وانا عم العن حالي الف مره هلق مابتصدق خبر وبتلحقني لهون وانا ماعندي اي اجابة لشو طلبت منها تلحقني، وفعلاً خلال ثواني قليله كانت واقفه وراي وعم تتطلع علي من المرايه بلا ماتحكي.
- شو ايفا!
- شو ليلى؟!
- خلص ايفا بترجاكي.
- ليش انا شو عملت؟!
- عم تطلعي علي.
- لا ماعم اطلع.
- ايفا!
- شو اعمل اذا جمالك مابيتقاوم.
- بكفي ايفا.
- ماشي شو بدك لكان؟! (وقفت حدي بوضعية اتكاء ع المغسله).
- مابدي شي.
- لكان لشو طلبتي الحقك؟!
- لا ماطلبت.
- عنجد؟!
- اي عنجد.
- امممم ليلى!
- همم.
- لامتى راح تضلي ترفضي تواجهي مشاعرك؟!
- اي مشاعر؟! شو بتقصدي؟!
- بذكر اخر مره تقابلنا فيها بهالمكان، بتعرفي شو بيقولو؟! الشخص الشربان بيعمل الي بقلبه وبعقله، بيعمل الشي الي بيحسه ومابيقدر يعملو وهو واعي لهيك بيتصرف ع طبيعته وهو بلا واعي.
- هممم عنجد؟! ومين الي ضحك عليك وقالك هيك شغله؟!
- عيب، عم بتجادلي حدا كان مدمن كحول.
- كأني سمعت كلمة كان.
- اي كان، هاي وحده من نتايج تأثيرك علي.
- وكيف صار هالانجاز؟!
قربت لعندي اكثر وهمست باذني.
- صار عندي ادمان جديد اكثر لذة.
غمضت عيني باستسلام وحلاوة كلامها لامست قلبي واخدتني لمكان تاني.
.
.

ايفاpov.

اتأملت جمال طلتها وسبحت الخالق الي ابدع في صنعها متذكرة اغنية وديع الصافي، يرددها قلبي في كل مره بشوفها.

الليل يا ليلى يعاتبني__ ويقول لي سلم على ليلى
الحب لاتحلو نسائمه__ الا اذا غنى الهواء ليلى دروب الحي تسألني__ ترى هل سافرت ليلى وطيب الشوق يحملني__ الى عينيك يا ليلى لاجلك يطلع القمر __خجولا كله خفر
وكم يحلو له السفر__ مدى عينيك يا ليلى
لنا الايام تبتسم__ ولاهمس ولاندم
وماذا ينفع الندم__ نديم الروح ي ليلى
رجعت ألم احلامي__ واحيا بين انغامي وغاب ربيع ايامي__وليلى لم تزل ليلى. "