شغف كلي

شغف..26

ايجب عليك ان تكون مغايراً لتعشق؟! ايحرم عليك الحب لانك مختلف؟! الا يحق للجميع الاختيار والوقوع في حب من اراد؟!

.
.

مرت الايام مع كثير من اتصالات و محاولات ايفا لحتى بلشت تفقد امل رجعتهم سوا، فيما كانت ليلى مرهقه نفسياً مع اصرار خرافي ع عدم الرد.

.
.

ليلىpov.

وصلنا ع الفندق انا وميرا ودخلنا ع الحديقه الخلفيه، كان كل شي فخم كثير ولولا كوتش عزاوي ولي ترجاني كثير امبارح لحتي اجي وساعده في بعض الترتيبات ماكنت اجيت، كان الكل حول البيسين عم يرقصو وبعضهم عم يسبحو ويسترخو وبعضهم عم يحكو ويشربو.
ميرا: كان لازم نلبس مايوهات.
ليلى: احنا جاين لنشتغل مو لنلعب ميرا.
ميرا: بعرف عم امزح هدي حالك.
ليلى: امشي خلينا نلاقي كوتش عزاوي لنخلص ونروح من هون.
دورت عليها بعيوني ولقيتها واقفه حد تارا وطارق وعم يحكو سوا، كان الكل بمايوهات مثيره ومغريه اما هي فكانت لابسه بنطلون وقميص وساع باللون الابيض، وقعت عيني بعينها وشلتها بسرعه، صرت اخد نظرات خاطفه وسريعه لشوفها عم تتاملني بس ماتجرأت تقرب لعندي.

بلش الحفل وكنا انا وميرا واقفين وعم نشرف ع التصوير، كنت واقفه ع وصلة الكاميرا ورجعت لورا شوي فصدمت بوحده من اللاعبات وانكب عليها العصير الي كانت حاملته.
ليلى: اوه بعتذر ما انتبهت.
اللاعبه: انتي غبيه شي؟! لك اطلعي شو عملتي؟!
ليلى: قلتلك بعتذر ماشفتك لشو عم بتكبري الموضوع؟!
ميرا: خلص خلص بنات حصل خير، امشي ليلى.
درت وجهي لامشي لتجي من وراي وتدفشني ع البيسين وتضحك هي والي معها، كنت عم قاوم من شان اطلع والاكسجين بلش ينفذ وعم بغرق لتنقذني اخيراً ايفا وتطالعني وانا عم اخذ نفسي بالقوه، اطلعت حولي لشوف الكل عم يطلع علي ضميت حالي وميرا ركضت لعندي ضمتني ومسحت ع ظهري لاهدا، مسكت ايفا ايدي واطلعت علي.
- انتي منيحه؟!
صوتها المألوف خلاني اهدا وارفع عيني واطلع عليها، اكيد ماحدا راح يرمي حاله لينقذني غيرها، خجلت من حالي وتضايقت من الي صار، وقفت بسرعه وهي عم تحاول تساعدني، دفشت ايدها واطلعت بعينها باحتقار وعصبيه كبيره ومشيت لتلحقني ميرا.
.
.

ايفاpov.

عصبت كثير وقربت لعند البنت الي دفشت ليلى بالبيسين وكانت وحده من الفريق اطلعت بعينها بتحدي وغضب وهي شتت انظارها عني بخوف مسكتها من رقبتها وقربتها لعندي وهمستلها.
- اذا بتتخطي حدودك مع ليلى مره تانيه راح بتكون نهايتك مفهوم؟! عم اسألك انا جاوبيني.
هزت راسها بخوف وتلعثمت مية مره لتنطق الكلمه، دفشتها ولحقت ليلى وميرا.

ايفا: ليلى!
ليلى: شو ايفا؟! شو بدك لسه؟!
ايفا: مابصير هيك ليلى، مابصير تنسي كل شي بينا وتروحي بهالطريقه.
ليلى: ماكان في شي بينا ايفا.
ايفا: ليلى بترجاكِ لاتحكي هيك.
ليلى: بكفي ايفا، روحي، ارجعي للتافهات تبعونك ارجعي لعالمك المريض هداك ولكل عشيقاتك وقرفك انا مابيهمني، المهم انا معدا بدي شوفك او حتى اسمع اسمك، انتهى كل شي، انلقعي بقى واتركيني بحالي.