شغف كلي

~ البداية ~

بتاخذنا الحياة في دوامات كتيره، بتفاجئنا مره بعواصف ومره بفيضان، برق ورعد وأصوات هواجس مابينتهي، بتزرع فينا أحاسيس غريبه وموجعه مثل الرغبه او النشوه او العشق، مسميات سهله ونطقها اسهل بس احساسها مثل الجحيم بل هو الجحيم بحد ذاته، مابين دموع الفرح ودموع الحزن، مابين الوداع والاستقبال، مابين الولاده والموت، تتوسد أحلامنا وامانينا الصغيره، نحن بنستحق، بنستحق نعيش بسعاده اكبر، بحب اكتر، وبصدق حقيقي وناس وفيه، ماحدا بستحق ينخذل او ينجرح او ينطعن بغدر الأيام او الاشخاص، لأنه في كل حدا فينا لسه في طفل صغير خايف وقاعد بالزاوية متكور ع حاله وضامم رجليه عليه، مؤسف كل هالحزن الي بالدنيا بس انا عم شوف بصيص الأمل، عم شوف أشعة الشمس الي عم تخترق سواد هالظلام، عم شوف الابتسامه عم تنرسم وسط كل هالدموع، لاتستعجل وتندب حظك الايام الحلوه راح تعرفلنا طريق.......

مقتطفات...
-ايفا تحاول المرور..... هدف.
-لك حتى هالابنيه سعيده اكثر مني.
-بيفهمني اكثر من حالي وبيعرف امت بكون عم اكذب وامت لا.
-هالنهار هو النهار الأجمل في حياتي على الإطلاق.
-وقعت ع الارض وهي عم تصرخ وتبكي.
-ماكأنكم عم تعطوني فكره سيئه عنكم من البدايه.
-اطلعت ع حالي بالمراي وكان الدم معبي وجي.
-.....هي شغفي الكلي...