شغف كلي

شغف..27

عندما انظر الى عينيها..!
اشعر باني امتلك العالم اجمع، اضيع في محيط عينيها وانا بكامل ارادتي، اغرق في بحر عشقها وارفض الخروج بالرغم من اني اجيد السباحه.
.
.
.

مضت الايام هاديه وسعيده ع بطلاتنا ايام كلها حب وعشق وهيام، لعبت ايفا اول مباراة الها مع المنتخب والي فاز بثلاث اهداف مقابل هدف كان واحد منهم بتوقيع ايفا، اما ليلى فعم تثبت حالها كصحفيه متميزه بالشرق الاوسط.
.
.

ايفاpov.

صباحات الشتاء من اعظم الاوقات عندي فقت بكير وطلعت لاركض حاولت قد مافيا قلل من وقت الركض اليوم لحتى اوصل ع البيت بكير واشبع من ليلى قبل ماتجهز لتروح ع شغلها، شغلت مكينة القهوه واخذتلي شاور سريع اخدت كوبين وطلعت ع الغرفه، كانت لساتها نايمه مثل الملاك قربت لعندها وحركت ايدي ع خدها، تحركت تزامناً مع حركة ايدي وصبحت علي بابتسامه بتعقد.
ايفا: صباحي انتي واعظم صباح الي بيبدا فيكي.
مديتلها كوب القهوه وتراجعت مانه وقت القهوه هلق بدي ضمها لاطول وقت ممكن لهيك اخدتها بحضني وبلشت بوسها بكل مكان وهي عم بتقاومني بدلع.
ليلى: خليني قوم جهز حالي.
ايفا: همم مابدي.
ليلى: راح اتأخر من وراكِ.
ايفا: واذا؟!
ليلى: اممم ماشي شو بدك تعملي اليوم؟!
ايفا: مابذكر عندي شي مهم لهيك بدي روح اتمرن وبعدها بزور امي.
ليلى: منيح كثير سلميلي عليها لكان.
قامت من حضني لتجهز حالها تحت انظاري العابسه كمحاوله فاشله مني للين قلبها وتضل بحضني اكثر.
ايفا: حاولي ماتتأخري بالرجعه اليوم بدي نتعشا سوا.
ليلى: مااحنا كل يوم بنتعشا سوا حبيبي.
ايفا: اي بعرف بس العشا هالمره حيكون مختلف شوي لهيك ارجعي بكير.
قربت لعندي وباست شفتي واطلعت بعيني
ليلى: عنجد؟!
جاوبتها بتخدير سرا بكل جسمي لحتى وضح بصوتي.
ايفا: اي عنجد
سحبتها لحضني وبست شفايفها.
ليلى: ماشي لكان راح خلص بكير لاني حابه امرق ع البيت شوي وبعدها بشوفك.
ايفا: ماشي اتفقنا.
ليلى: وهلق ممكن تتركيني جهز حالي؟!
ايفا: خليكي بحضني شوي كمان.
ليلى: خلص حبيبي راح اتأخر.
لفت علي وحطت ايدها ع وجهي وباستني بوسات متفرقه، ابتسمت ع تصرفها واستسلمت لواقع انها لازم تقوم تجهز حالها، طلعنا سوا ووصلتها ع الجريده وكملت طريقي للنادي.
.
.

ليلىpov.

قعدت ع مكتبي رجعت ظهري ع الكرسي غمضت عيني واخدت نفس عميق وزفرته بابتسامه، انا عشقانه وكل خليه بجسمي عم بتدوب مع هالعشق.

(لم ينبض قلبي لفتاة قط ولكنها استثنائي الجميل..).

- احم احم.
جاوبتها وانا بنفس وضعيتي وعيني المغمضه.
- شو بدك ميرا؟!
ميرا: ماتخفي علينا شوي الحب عم يقطر منك ومعبي الجريده كلياتها.
عدلت قعدتي واطلعت عليها بابتسامه.
ليلى: ويعبيها، في شي احلى من الحب؟!
ميرا: هههه والله العظيم انتي واقعه وخلصانه ع الاخر.
ليلى: اي نيالي.
ميرا: عنجد؟! والله وصايره جريئه كمان، وينها رفيقتي الي بتستحي من ظلها؟!
ليلى: راحت خلص ماعادت موجوده.
ميرا: حبيت، والله وطلعت ايفا مو هينه بالمره.
ليلى: شو بدك انتي هلق لشو عم تخربي جوي يامفسدة المتعه.
ميرا: ليلو!
ليلى: هممم.
ميرا: شو هاد الي ع رقبتك معقوله وصلت فيكي تجي الجريده بتكريزاتها لايفا؟!
عدلت ثيابي وغطيت رقبتي بتوتر تحت ضحكاتها المستفزه لميرا.
ليلى: لك العمى ميرا ارجعي ع شغلك.
ميرا: ههههه شو استحيتي؟!
ليلى: ولك ما اثقل دمك انقلعي.
ميرا: ههههه ماشي راح روح بس لاتفكري انك خلصتي مني راح تحكيلي كل شي صار بالتفصيل.
ضربت راسي وانا عم لوم حالي كيف ما انتبهت لهالعلامات الحمر المعبيه رقبتي ولحسن الحظ معي وشاح خفيف بشنطتي لفيته حولين رقبتي بشكل مرتب وبلشت شغلي.
.
.