رواية كذبة خلتنا فورطة🌚
الكاتبة سوسو الشريف 💗
الحلقة الأولى
.
.
.
في حارة هادية في بيت مليء بالحب كانت بطلتنا الجميلة والطيبة اتكلم في حبيبها وحياتها حلوة🌸...
لحظة لحظة هذي كانت بنت جيرانهم 😂اعذروني غلطت في العنوان🙂
بيت بطلتنا هو البيت الي لاصق في البيت الهادي وكان عكسه تماما😐..
ملاك اتعيط: منن خذااا بلوزتي الوردية😡..
اختها(منار) امقعمزة ع الزيانه واتحط في الميك اب :محد خذاها دوري كويس بس انتِ وفكيني من العياط😒
ملاك : انتِ الي اسكتي والهي في اللبز الي اتحطي فيه ع وجك🙄💦
اتخش عليهن اختهن مروة...
مروة متنرفزة: اسكتن وانتن ديما متعاركات و يا ملاك معش اتعيطي فضحتي بينا😤..
ملاك: باهي نبي نعرف بس من الي ياخذ في دبشي ليش السرقة🤌🏻..
اتخش اختهن مرام: قالتلكن ماما سقدن رواحكن الناس قريب اتروح ونحن مزلنا ما طلعنا.
ملاك بحتت فيها وفنصت: من سمحلك تلبسيها كنت بنلبسها😡
مرام :لبستها قبلك وسألت ماما قالتلي عادي 🌚..
ملاك:حسستيني امتاعت ماما هيا امتاعتي نا اسلحيها..
مرام:منش سالحتها دوري غيرها
ملاك عيطت وقعدت تجري وراها نفس توم وجيري قلبن الحوش🙂💔ومرام طمرت ورا امها وامها دافعت عليها وهزبت ملاك وكلمتلها خوها وائل وهزبها خشت متنرفزة ولبسن وطلعن..
للكاتبة سوسو الشريف
____________
استوبب خلني انعرفكن ع العيلة الكريمة عائلة ملاك..
امها عائشة وباتها فرج
خوها اكبر واحد فراس مواليد 94 متجوز ومراته سناء مواليد 2000
عنده ولد اسمه فهد عمره ثلاث سنين وبنت مولدة جديد سمتها الين ...
وثاني وحدة ميس 96 متجوزة ناصر 88 وعندها بنتين دنيا عمرها سنتين وداليا عمرها 6شهور...
و وائل مواليد 98مهندس وحبيبته اسمها وفاء وخطبها وتوة ايكمل في شقته ويبني في نفسه...
منار مواليد2003 مخطوبة لي أحمد شافها في ايام امتحانات الشهادة الثانوية لما كان بيجيب اخته وعجباته وخطبها وتوأمها
ملاك2003 بطلة قصتنا طبعا هي واختها منار توأم غير متشابه منار تحب تتأنق وديما قدام المراية اما ملاك اتحب تقعد ع طبيعتها...
مروة 2005 نفس طبع منار..
مرام 2006 اتحب تاخذ دبش ملاك عشان نفس ذوقها😂🤝🏻..
واصغر واحد اخر العنقود سمير 2010 بس يدير في روحه كبير 🙂..
المهم قولو ماشاءالله را تعطونا بعين🌚👍🏻...
للكاتبة سوسو الشريف
____________
اما عندي نا ملاك...
خشينا عليهم وقعدو يقولولنا كنكم طولتو والناس قريب اتروح اكثر شي منقبله يحمدو ربهم ان جينا اصلا😒
ونا امقعمزة ومتنكدة مع بنات خالي الي مالهن دوة فيت ع تصفية البشرة والماركات والميك اب خبر منحبش🙄
نا صبيت: المهم يا حناتي انسيبكن اتكملن هدرزتكن برواحكن الحمدلله بشرتي من ربي صافية و وجهي اتقول غزالة انهبل بدون لبز 😌🔥 اما انتن يحقلكن تحكن مش منكن ...وانصبي ويخشو عيت خالتي مسرة الي مش من المدينة ونشوفو فيهم بس في المناسبات..
اتجيني رزان بنت خالتي وتوأمي وشريكتي في الجرائم😂💗
