رواية كذبة خلتنا فورطة
للكـاتبة سوسو الشريف
الحلقة 6
العشية جو الخطاب
رزان:ينعلي شن اندير يا ملاك متوترة
ملاك:يحنه نا مش متعودة ع الجو هظا انلز فيهم من قبل ما يجو اسألي امك🥱
رزان:قالتلي ماما اندير القهوة وهما يبو يديرو مقابلة فنفس اليوم
ملاك:انتِ بتضيفيه ؟
رزان:اها نا
ملاك:انقولك حاجة ديريله ملح في القهوة
رزان:علييش😕
ملاك:انتِ غبية ولا كيف متشوفش فيهم يديرو فيها ع النت
رزان:اوكي عرفتها يديرو فيها الاتراك
ملاك:الدنيا كلها المهم حطي ملح وكان تحمله وافقي لانه ح يتحمل مقالبك كان لا قوليله رد من وين ما جيت
رزان:تمام😂
ملاك:سلمها الي تسمع فالكلام والي يقولك ليش درتي هكي قوليله ماما ملاك قالتلي
رزان:اوكي ماما ملاك🌚
ووتت روحها وحطت شوية ميك اب وجن الصبايا
الكـاتبـة سوسو الشريف
_______________
رزان ضيفتهن وسلمت عليهن
الولية:ماشاءالله اللهم بارك
ام رزان مسرة:سلمك من ذوقك
البنت:شوفي يا امي شككتي في اختياري
الولية تعفس ع كراع بنتها
الموقف كان قدامي انا ورزان قعدنا ماسكين الضحكة وانبحتو فوجوه بعضنا الشي هظا خلانا معش نعرفو كيف نمسكو رواحنا رزان طلعت ونا طلعت وراها
الولية: نجيهه المتحشمة شكلها انحرجت وطلعت ومشت وراها صحبتها☺️
مسرة:اها بنتي خجولة شوية ..تحكي وهي من جوة حي كان تعرفي انها طلعت وهي ماسكة ضحكتها
حني نجية:تفضلاً متحشمنش
الكـاتبـة سوسو الشريف
____________
عندي انا ورزان طلعنا ونحن نضاحكو😂
رزان:ينعلي مش عارفة كيف مسكت روحي😂😂
ملاك:حتى نا علي شوية كنت ح انفضح بروحي😂
رزان:انا ما عرفت نضحك ؏ اللقطة ولا علي مكياجها ولا ؏ الموقف الي انا قاعدة فيه ولا علي وجهك قعد الوان وانتِ ماسكة الضحكة😭😂😂😂
ملاك:اكثر حاجة ضحكتني انك دايره روحك مؤدبة 😂😂
رزان:ينعلي اخخخ😭😂😂😂هيا خلاص ديروحنا خشينا عشان انجيبو باقي الضيافة
ملاك:هيا
وجاباً الضيافة وضيفنهن
الولية صبرية ديروحها جوها زايط:اكيد خشيتي عشان تحشمتي واللهي مش مجاملة ماشاءالله ملامحك حلوة
رزان ردت ببرود :عارفة ..وفطنت لروحها😭😂
وردت قالت قصدي من ذوقك انتِ احلى💗🫣
ملاك وهي ماشية جنب الباب جو العيال بيخشو للصالة
ملاك:استوب استوب وين ان شاء الله
مروان:جوا ويـن يعني
مراد :شغلوك بواب ونحن ما نندروش
ملاك:ههه ضحكتني فــي صبايا جوة جايات يخطبن
مروان:كيف قصدك جايات يخطبن امي مستحيل وقفوهن😳
ملاك:ياريت نفتكو من هزايبها واصلاً امك عزوز من يبحت فيها
مروان:احترمي نفسك ان شاء الله ديما قاعدة واتهزبكن بعدين😒
مروان امي مزالت صغيرة ومية واحد يتمناها😉😌
مراد:به معناها جايات يخطبن غير خالتي🙂
ملاك:الصبايا جايات يخطبن رزان
مراد ومروان بحتو فبعضهم وقعدو يضاحكو
مراد:قصدكن انتن في حد يدور فيكن😭😂
مروان:متت كان قلتي امي يمكن صدقت اما رزان😭😂😂😂
ملاك :حي نحن الخطاب قدام ابوابنا بالطوابير غار لما تقعد متعود ع المزيف متعرفش قيمةالأصلي الا اتحط عينك عليه😏
مراد:الكلام موجهه ليا ولا تهيالي🤨؟
مروان:هذي بالذات شورك
ملاك:شنرايك انت... وسكرت الباب فوجهن
