رواية كذبة خلتنا فورطة
للكـاتبة سوسو الشريف
الحلقة الإحدى عشر
.
.
.
شهد :شيماء دبريلي طريقة بكرى فالتفريشة نبي انشوفه
شيماء :تمام شوية اسكتي
شهد:تي باهي قاعدة نكتب لأصالة اخته مزالت مردت اصبري
شيماء:تمام قوليلي لما اترد
رزان:شن تحكن انتن مش سادكن انكن قدام وجوه بعض ديما فالحوش هدرزاً معانا نحن توة
شيماء:شي غار كانت تبي مني حاجة
رزان:اهاا باهي تعالاً نوتو معاهم
شيماء:هيا جيتك
خشت عليهن ملاك
رزان:وينك مختفية
ملاك:قاعدة نا بس كنت انساعد ونشتغل انتن الي ليش قاعدات هنا اطلعن قاعدات يوتن في حاجات الفرح
رزان:هي نطلعوا ..وجن يبن يطلعن رزان همسة فوذن ملاك...
رزان:واضح كنتي تساعدي لدرجة وجك احمر وتضحكي 🌚
وطلعن...
قعدن يصفقن ويغنن والي هذي اتقول في شتاوة...
فجأة يسمعن صوت ضرب
سكتن كلهن عشان يتأكداً انه مش ضرب فرح والعاب نارية وهكي
مريم :اناا خلاص منقدرش نقعد هكي من غيرما انتأكد اكيدة صايرة حاجة ومشت حطت علي راسها حاجة ولبسة عبايتها وطلعن وراها كلهن لكن مطلعنش للسور قعدن فالممر الي يقابله طول السور
كان خوهم اصغر واحد نور الدين
مريم:كيوي ينعلي ...امشن عيطن لي اي واحد من العيال يجو يحزو
سارة:خلاص يا حني اهدي مش صاير شي
حني نجية:لا نا مش مطمنة بعدي من طريقي قلبـي مش مطمن
جتهم شهد:حني طلعوا يبصرو الشباب بصوت عالي انتي عارفة كل حاجتهم بالعياط
حني نجية:باهي ليش مزالن كلهن برا
شهد:اهو يبن يخشن ...
وطلعوا الشباب حزوا بيناتهم والصبايا خشن ...
الكـاتبـة سوسو الشريف
_____________________
خالتي سعدة:هيا ابداً فالمصير وانتن امشن ديراً البيتزا سقدن رواحكن
وطلعن البنات يشتغلاً وهرجة الفرح والاذاعة والعة واغاني الافراح والربيعات يطلعن ويخشن ...
خالتي مسرة:يا بنات وين سارة مختفية اندور فيها معش لقيتها...
شذى:يا عمتي قاعدة تحكي مع خطيبها توة كنت معاها...
شهد :انتِ يا بنت شنصار معاك قهرتيني ونا نستنى
شيماء:تمام بكرى لما يجيبو الدبش تقدري اتشوفيه من ورا القراج ..
شهد عيونها لمعن:تم شكراً واجد وحضنتها...
ليلى كانت مقعمزة مع ملاك ورزان ...
طبعاً ليلى تحضر في مناسباتهم واتبات معاهم كأنهم اقاربها أساساً هي ح تتزوج حفيدهم ف شي عادي...
ليلى:بنات نبـي نحكي مع انيس ...
رزان:وااكك بدينا فجو العاشق الولهان
ملاك: شن يبي انيس وهو كل شوي ياخذ فيك منا ماعايشة معاه فنفس الحوش شن يبي فيك توة
رزان:بكلل خله يرايف شوية عليك بيش يحس بقيمتك
ليلى:كملتن هيا وين نقدر انكلمه🙂
ملاك:تعالي معاي
مشت ملاك مع ليلى وردت لرزان
رزان:باهي احكيلي انتِ لعند وين تبي توصلي مع مراد
ملاك:مشعارفة
رزان:باهي امتى انشوفوكم عرسان
ملاك:مستحيل ناخذ واحد حقير كيف هظا
رزان:كيف؟
ملاك:أساسًا نا منحبش بس ننتقم منه
رزان:را يكبر الموضوع حاولي اتفوتيه بدري بدري
ملاك:شوية بس نبي نوصل لشي وبعدين انسيبه
رزان:يستر الله حاسة ان الموضوع مش ح يمشي على خير
