رواية كذبة خلتنا فورطة 💗
الكاتبة سوسو الشريف
الحلقة الثانية
.
.
.
.
في غرفة المعيشة
مقعمزات ملاك ورزان..
ملاك:شن رايك انتي شن المقالب الجددة الي عندك
رزان: اسمعي نحن بايتين انا وماما لكن البنات ماشيات لحوش عيت جدي هل بابا باتي معايا عشان انخططو علي رواق
ملاك:صح بعدك عمران ومراد اكيد بايتين
رزان: صحح ح انديرو جو الله تحمست 😂
ملاك:اكثر منك😂
خالتي مريم(اتحب اتهزبنا):ملاك ورزان امشن لمن الصور حايس وانتن معمركن ساعدتن
رزان & ملاك:اففف
عائشة:ملاك سكري فمك وصبي(اوقفي)
مسرة(ام رزان): رزان تحشمي علي وجك ومعش اتردي
ملاك&رزان:حاضر😑..
وطلعن
الكاتبة سوسو الشريف
ملاك جابت السياقات والكناسات ورزان سحبت التيبو امتاع المية (الخرطوم)...
رزان: افف وهما معندهم حاجة فيت يهزبونا..
ملاك:بكل يرا يقهروك في عيشتك الواحد ميعرفش يغير جو شوي وهما قاعدين..
وايخش عليهم مروان ومراد..
وقعدو يضحكو عليهم
ملاك:هيي ع شن تضحكو انتم..
رزان:وكنكم اتفرجو علينا وتضحكو اتقول تحضرو في مسرحية🙄
مراد:ههه اشكالكم😭😂😂😂😂😂
ملاك:وشن فيها اشكالنا😒
مروان:شوفي روحك كيف موقفة بثقة ورافعات سروالكن والشياكه والي امبدري وين عدت شوفي شعرك 😂
رزان وملاك شافن لي بعضهن وردن شافلهم ومردوش عليهم
ملاك خذت التيبو امتاع المية وقعدت تبرم بيه علي كرعيهم(رجليهم)من غير ميركزو او يحسو عليهم
ورزان كبت سائل وبوطاس(كلوريكس)
وشافن لي بعضهن وووو كرن تيبو المية(شدن)
وبووووم ميحسوش برواحهم الا وهما طايحين ع الوطا ومعبين كلوريكس وسائل الي خففن ع طيحتهم
و البنات يقعدن يضحك
خبيثات صدق من قال الساكت ناكت🌚
وقفو مراد ومروان بعد جهد جهيد وشافولهم بحقد
مروان:شن الي درتنه هظا😡
مراد:انتن طبيعيات ولا شنو😡
رزان:لا نحن مش طبيعيات🌛
ملاك:من يضحك اخيراً يضحك كثيراً 😉
رزان:النتيجة واحد لي صفر😎
عطوهم نظرة امتاع الايام بيناتنا ومشو يغيرو ...
ملاك:زونا عليش حطيتي كلوريكس
رزان:اممم عشان يقعد جلدهم يحكهم 🌚
الكاتبة سوسو الشريف
___________
عند مراد ومروان بعد دارو حمامات وغيرو دبشهم
مراد:ظهري يحك فيا ومن كثر الحك تجرح
مروان:اخخخ نا ظهري تكسر من كثر ما الطيحة واعره
مراد:استغفلونا ونحن نضحكو عليهن
مروان:شن درنا نحن انبصرو معاهن وهنا نكديات ميتبصرش معاهن😒
ورن تليفون مروان
مراد:وحدة من الي تلعب عليهن😒
مروان:سكر فمك واطلع من الدار
مراد:منش طالع انت الي اطلع
مروان :حيوان وطلع
مروان:ايوه يعمري 🤤....
Suha
ملاك:يخرب بيتك ع هالدماغ الي عندك😳
رزان:ولو عشيري تربيتك😂
ملاك:تعجبيني😂
رزان:لولاك راني مزلت هذك الانسانه المسالمة والهبلة الي ينضحك عليها بسهولة🙆🏻♀️
ملاك:مشعارفة شن كان في عقلها خالتي الي متجش طول هالسنين كان هظا راهو كلبنا العيلة من صغرنا😂
رزان:واللهي😂
وخشت عليهن خاله مريم
مريم:فيسع سقدن رواحكن بطلن ضحك وانتن ديما تسهوكن
ملاك:الولية هذي متبحش اتشوفنا نضحكو🙄
رزان:عمرها ما اتغير😒
