السلام عليكم يا حلوين وانحييكم متابعين الرواية عالواتباد علي انكم كملتوا معاي لاخر حلقة مش بعد تكمل الرواية اتفوتوني بكل ومتنسوش اتابعوني عشان يوصلوكم رواياتي وديروا طلة ؏ الحلقات الي فاتن لو انسيتو ما اتصوتوا🌚!
روايـة كذبة خلتنا فورطة
للكـاتبة سوسو الشريف
الحلقة 18 الاخيرة
كانوا الشباب دايرين جو خيمة ودرابيك واغاني ويرقصو مع العريس وفرحانين
ويخش عليهم سراج ...
سراج:اهلين بعريسنا تحسبها سايبه الحكاية وتحسبني ناسيها لك ...
مراد صبا من مكانه:سراج من طلب منك انت اتجي اصلًا
سراج ضحك:معقولة من دون عزيمة انت درت معاي شي مستحيل ننساه وتوة وقت انحاسبك ؏ هالشي وبحركة سريعة طلع المسدس وطلق لكن مروان مسك مراد فيسع وكره جهته وجت الطلقة ؏ كتفه ...
اما تميم ولد عمه مسك سراج وكانت حركاته سريعة كيف افلام الاكشن لعند حطه ؏ الارض واتصلوا بالشرطة وشالو مراد للمستشفى وضمدوله جرحه وانهت القصة ؏ خير وعطوه شوية ادوية
اما عندد الصبايا
ونزلوا وقعدوا يزغرتو ويدربكو ويسمعو عياط برا ...
الصبايا ينفجعن ويرقدن عظامهن وطلعن ويقولولهم مراد تصاوب وشالوه للمستشفى ..
ملاك ولو مرة اتخاف ومسكت فيي يد رزان:رزان حي عليا تخيلي اتصيرله حاجة...
رزان:متخافش انتِ هدي روحك انتِ عارفته مراد في القطوس بسبع ارواح
ملاك:ان شاء الله خير يارب يارب استغفر الله وأتوب اليه
وقعدت تدعي فدعاء
(اللهم رب كل شيء، ومدير كل شيء، وولي كل شيء، وخالق كل شيء، وقاهر كل شيء، بقدرتك يامالك كل شيء والعالم بكل شيء والحاكم على كل شيء والقادر على كل شيء، اغفر لي كل شيء، واقضِ لي كل شي، وهِب لي كل شيء، ولا تسألني عن شيء ولا تحاسبني بشيء ) واذكري حاجتك وتذكري ان ربي يحب ان انلحو فالدعاء وانوعوا من الادعية
ملاك:يارب يطلع مراد مفيه شي يارب وتمسح ؏ وجها...
رزان:واو ملاك وين لقيتيه الدعاء هظا اول مرة نسمعه
ملاك:حتى نا عمري ما سمعته لعند قابلني فيديو ؏ الانستا عجبني حفظته وقعدت ندعي بيه وخلاص
رزان:تمام ذكريني بيه بعدين عشان تكتبيه ليا
ملاك:تمامم
ويروح مراد ويقعدن يزغرتن الصبايا ويدعن ؏ سراج ويتحسبن عليه وبعدها كمل الاسبوع ؏ خير ووزعوا العشاء وجا الجو حلو
وروحت ملاك مع مراد واتبحت فيه وخلاص
مراد:كنك اتبحتي فيا اكيد خايفة عليا 😉
ملاك:تي لاا نا وين وانت ويــטּ انشوف للعربي ڪيِـف مشرط قهرني احسن حاجة مشينا للمصورات وصورنا قبل ما اتصير الكارثة هذي 🥲
مراد:يـعـني هظا الي هامك😒
ملاك🤷🏻♀️
مراد يوقف السيارة ويحرقه الجرح:اخخخ
ملاك:انفجعت كنك شنصارلك فجأة حي عليا شن اندينا توة هدي روحك خوذ شهيق زفير شهيق زفير واضغط تي فيش نخرط اتقول انولد فيك تي واك مش وقتك بكل خلينا نوصلو للحوش عشان نسلح الشوال الي لابست ومش مخليني قادره انتحرك
مراد قعد ميت ضحك
ملاك:كنك تضحك انت الي عليك درتها فجايع وخلاص
مراد:مش ؏ اساس مش خايفة عليا وين عدا كلامك🌚
ملاك:اهههممم🙂🙂
ووصلوا لشقتهم وفتحلها الباب
خشت ملاك اتفكك فالذهب اما مراد تمدد ؏ السرير وقعد يشوف فيهاا وهي اتحول فالذهب
ملاك:باهي احكيلي شنصار ومن هظا الي دار فيك هكي وشن يبي الحيوان جايك في اسبوع عرسك ماهو بختي وعارفته تو يقولوا وجهه النحس وقدمي شينه من اول يوم صار فيه هكي🤦🏻♀️🤦🏻♀️
مراد ضحك عليهاا بعدها قاللها هظا سراج
ملاك اتفك فدندونتها(الحلق الي في الوذن) وبعد تسمعها تشهق واتلف:كذبة😳هظا مزال عنده وجه
مراد:ماني عارف ع اساس بينتقم بس طاح فشباكه😂وعارفة مروان هو الي انقذني وبعدها تميم دارله حركات كيف الي انشوفوا فيهن فالتلفزيون
ملاك:تميم الله جمال وطول وهيبه وذكاء🥹
مراد:اووي تحشمي ؏ وجك راجلك راهو نا مهما كان🙄
ملاك:اهمم ما حتى انت تحكي ؏ نشوة قدامي😒
