رواية كذبة خلتنا فورطة
للكاتبة سوسو الشريف
الحلقة الخامسة
رزان:به خليها اتجي بيش نفتكا مــن سريبها
وطلعت مــن جنبها
مشت للصالة ادور في ملاك ملقتهش كلمت خوها يجيبلها الي تبيه ؏ـشان السهرة
وقعمزت ؏ الصالون وتلقا رسالة من رقم غريب
....
هلا رزان
من اول ما اتخش ؏ الرسالة واتشوفها الرقم كان مش متصل بالنت ولما شافت الرسالة الرقم طلع متصل وقعد يكتب...
رزان:اهلين من معاي؟
وتوصلها رسالة طويله عريضة:رزان انا مصعب وصاعبه عليا الدنيا بلاك انا من اللاخير انحبك ليا فترة طويلة اندور في رقمك واخيراً لقيته وقلت خلني ناخذ الخطوة هذي ونعترفلك بحبي لكي وانا خلاص معش انتحمل بلاك انتمنى متردينش
رزان: وبه شن انديرلك نا من قالك فاتحة جمعية للكلاب الضالة امشي وزع مشاعرك بعيد منش فاضيتلك ... وحطاته حظر.
رزان:افف عصبني ..وابتسمت:رزان لكسر الخواطر😂
رزان الطيبه:حسيت ردي قاصي بزيادة
رزان الشريرة:لاا يستاهل زعما انحوده الحظر واندزله وجك والبلوك؟وبعدها انبلكه اخخ وجعتني الي ما قلتها انحسها فيها هيبة🥲
رزان الطيبة:به سكري فمك الي عليك درتيها وكسرتي بخاطري
رزان:افف شكلي انكلبت خلني انحط ع فيديوهات تكسير قزاز لعند ما الانسة ملاك تطلع من وضع الاخفاء الي دايرته😐...
الكاتبة سوسو الشريف
___________
عند ملاك
ويطلع مراد من الحمام وينشف في شعره عشان دار حمام طبعاً بدل دبشه فـي الحمام(حشاكم) فكوني من جو الاتراك طالع بالمنشف وحركات دره كبد...
مراد:شن اديري هنا ...
ملاك ارتبط لسانها مــن الفجعة... وهي اتفكر شن تكذب عليه
مراد:قرب منها اخرى وكرر كلامه :قتلك شن اديري هنا ...
ملاك ارتبكت:ااا ا ... قصدي انت الي شن ادير هنا😒
مراد رفع حاجبه وقعد يبرم في الدار ويشوفلها
ملاك:فيش ادير انت شكله ركبك جنن
مراد: قاعد انشوف للدار تهيألي هذي دار الشباب مش البنات
ملاك:مش شرط وانتم كل شي لان شاب لان بنت اسكت وجعتلي راسي
مراد:شندخل راكي حاله بكل ربي يشفيك
ملاك:مش ناقصتك خطاني واطلع من الدار
مراد:مندورش فوجك اصلاً وطلع وسكر الباب
ملاك:عليك البارد
مراد رد اخرى :خطرها انتِ الي اطلعي مش نا حتى نا دوختيني كيفك 😂
ملاك:اصلاً نا غيرت رايي ونبي نطلع اسكت بس
مراد:سكري الباب وراكي
وطلعت ومسكرتش الباب
مراد رقيتله وعيط:قتلك سكري الباب يفرخة
ملاك عيطت:منشش
ونزلت من الدروج وهي تضحك😂
ملاك:منكش ساهلة يا ملاك شككتيه حتى فروحه 😭😂😂
ملاك:خاطري انشوف منظره بعد يشوف الرسالة😂
مراد: وربي اندمها عليها الحيوانه شن قلتلها غير انها اتسكر الباب
للكـاتبة سوسو الشريف
___________
منى خشت ع سعيد
منى:سعيد
سعيد:شن تبي معندش لكي راس
منى:شن ادير؟
سعيد:ملكش علاقة اطلعي وسكري الباب
منى:منش طالعة قبل ما نحكي معاك
سعيد:انا مزلت ما نسيت كلامك المرة الي فاتت
منى:انت خليتني نحكي هكي انا الف مرة قتلك راهي متمشش معاك انت ماشاءالله عليك عندك كل شي شن تبي فيها
سعيد: انتِ اطلعي منها بس والبنت عاجبتني وهي ماشاء الله عليها وكان كاتبها ليا ربي ح ناخذها وغصبن عنك
مني:هذي اكيد ساحرتك
سعيد:اها ساحرتني بأخلاقها انتِ شن علاقتك عليك جهل وخلاص عنجد ساحرتك اطلعي اطلعي مش ناقصك نفختيلي راسي
ودفها وسكر الباب
سعيد:مش عارف لـيش متحبهش مع انها مدارتلها شي واخرى قريباً ح اتكون من عيلتها🤦🏻♂️
