رواية كذبة خلتنا فورطة
للكـاتبة سوسو الشريف
الحلقة 15
الساعة 9فالصبح
سعدة:هي ارفعن مراقدكن وكل وحدة تبدا في شغلهاا
مريم:يلا جيبن الصفر من المخزن والصفر
ليان:خالتي مسرة في وحدة برا تبيك
مسرة :هذي اكيدة امتاعت الجمعية الي نبو ناخذوا منها الربيعات والكواشيك...
رزان وبنت عمها ليلى:يا خالتي مريم ثقيلة الفرشة مقدرنش انشيلوها
مريم:امشن وعن الفروخ الي فوق مامنهم فايدة
سمير خو ملاك م010:اهي الخبزة يا خالتي مريم
مريم:هيا سلم وليدي شيلها لحنك فالمطبخ وقعمز حذاها بيش اتصبلك حليب
عائشة :يابنات سقدًا رواحكن هيا يا فهد (خو مراد م014)سيب التليفون عنك وامشي وعي العويل فوق كان فطرت ...
مي اخت مراد:خالتي مريم تعالي وحلت في ملاك وشهد مبنش يوعن ويخلني انكنس الدار ...
مريم:نوضن يا فرخات وكرت الفراشات من تحتهن يلا وراكن خدمة امشن وسيقن الدروج...
وصبن وهنا يتخابطن فبعضهن...
اما عن مرام ومروة ولينا ومنار يسيقن فالاسوار وينظمن ...
ودارين وسارة خوات رزان مع الصبايا فالمطبخ ...
شذى م06 قعدت ادربك عالباب :يامبروك عليه اسبوعه وان شاء الله تمشي في طوعه نوضن يا صبايا ..وجابلها الدربوكة وقعدن يغنن شوية ويدربكن ومشت كل وحدة ادير في شغلها نظام فاصل إعلاني 😂💗...
وحطينا الغداء
حني نجية:يابنات هيا وحدة منكن اتجي اتشيل للعرسان
وتمشي شهد:انا ياحني تو انشيله
شذى :تو انجي معاك ... ويرقن فوق وشهد ماسكة الصفرة وشذى اترن ...
ويفتح ادم الباب ووراه مراته منى ...
ادم:شكرًا ياعمو
شهد:مبارك ياعمي💗
ادم انحرج ومسك السفرة بيد واليد الثانية حك بيها رقبته من لاورة:الله يبارك فيك...
واتجي منى زارقة من لاورة
ادم:هذين بنات خوي شهد الكبيرة وشذى الصغيرة نا نمشي انحط السفرة ويخش..
شهد :صباحية مباركة☺️
منى تعطيها نظرة من فوق لي لوطا واتسكر الباب من دون كلمة ...واتخليهن مصدومات
شذى :هذي مريضة ولا شنو قصدي مش من اول يوم اتورينا وجها
شهد:قلتيها بروحك مريضة...هيا ننزلوا
وينزلن ...
بعد الغدا يخشن سناء مرات فراس خو ملاك واخت ملاك ميس ...
ويبدًا يعاونن معاهن
فالعشية نزل وتمن يباركله خواته
سعده:يانجيه غزالي اللهم بارك
عائشة:ياخية انت ولدي مش بس خوي بسم الله ارقيك غزالل غزال تبارك الرحمن❤️
حني نجية تمت اتحود فيهن من قدامها:حيدن علي وليدي غادي تعال ياحبيب امك ...وحب علي يدها وراسها واضبطها وهناك من يذرف دموع الفرح...
ملاك:بسم الله كنكن
لينا:مش شايفه انتِ كيف يضبطو فبعظهم لي هالدرجة معندكش مشاعر
رزان:ليلى متقولش حتى انتِ
ليلى مسحت عيونهاا:ههه بس شعور الام فقدت ماما وفقدت حضنها وهي مش حتكون معاي في ليلة عمري😓💔...
مسرة تسمعها:وانا وين مشيت عارفة مهما درت مش ح نملا مكان امك لكن حندير فوق قدرتي بيش انعوضك انتِ بنيتي وكنتي الحلوة وحضنتها...
ليلى:مهما درت مش حنوفي حقك شكرًا واحلى ام فالدنيا🫂🤍...
الكـاتبـة سوسو الشريف
_____________________
ومشا الاسبوع بجوه وجا الليل ونزلت العروس بالعربي وجو هلها
ياسمين ام منى العروس :معلش يا بنيتي كلميلي شهد
مرام:حاضر...وتمشي اتكلمها
شهد:نعم ...
تجديدة :ماشاءالله اللهم بارك ربي يحفظك يابنتي من العين ويحرسك...
شهد انحرجت:شكرًا ..وهي مطبسة راسها ...
تجديدة :نسألك وين امك ياريت اتكلميها ليا...
شهد:حاضر ...
واتجي نصرة مرات جمال خال ملاك
تجديدة :تفضلي انا ام شهد ...
تجديدة:واللهي شن انقولك.....
شهد كانـت اتشوفلهم:يابنات شوفن كيف يبحتن فيا ويبتسمن
منار:مفيها الا تبيك لولدها...
شهد:منظنش
ملاك:كيف منظنش هذي ها مثلًا تبي اترشحك لجائزة ولا تبي اتعينك عضو رئاسي مثلاً كلنا عارفين انها تخطب🙂💍...
شيماء:وحق الله سدقت
رزان:سوف ترتدين خاتمًا فيي اصبعك يا فتاة ...
مرام:ونقعدوا انقولوا عليك انها ليست فتاة عادية انها مخطوبة 😂🔥...
شهد:سامطات حي خذت رقم ماما...
ملاك:ماقتلك..
شذى:وأخيرًا بنفتكوا من وجك ان شاء الله العرس بعد رمضان طولل..
شهد :حيوانة...
