رواية كذبة خلتنا فورطة
للكـاتبة سوسو الشريف
سـهـى الشريـف
الحلقة العاشرة
.
.
الكل ملتمين في بيت الجد
عشان الموضوع المهم الي كلمهم عليه جدهم
لما كان الكل مشغول كل واحد بحاجة فجأة الجد يخش عليهم وهو يتصنع القوة في موقف كيف هظا وانشوفوا حد خاش ورا الجد...
كلنا صبينا(وقفنا علي رجلينا) وغطن الصبايا روسهن اما انا انصدمت قعدت مادة وجي وسرحانه فيه ....
كان نفس الشخص الي شفته فحلمي 🥹💗💗...نفس الشخصية والشكل والجمال تي شنو هظا خلاص حبيته يا بنات 😭👍🏻
ملاك همست بصوت واطي:اول مرة يتحققلي حلم🥹...
امي جتني من الخلف ضربتي علي راسي:غطي راسك يا بنت
انا هظا وين انتبهت لروحي غطيت راسي وقعدت نستنى فجدي يحكي ويعرفني علي البني ادم الحلو الي جنبه🥹💗
مراد وقف حتى هو وقاعد مصدوم واتجي عينه علي ملاك
مراد:مش منها سارحه حتى هو اشقر اتقول اجنبي
مراد:تي شن قاعد انقول نا وجه اتقول بنية
واخيراً فـي حد كسر حاجز الصمت وتكلم ...
عمي الكبير منتصر:من هظا يا باتي وليش جمعتنا هنا...
جدي:جايك فالدوة انا كلمتكم هنا عشان موضوع يخصكم كلكم...
بابا فرج:شنو ياباتي شغلتنا
جدي:هظا يكون حفيدي...
الكل وقف مصدوم....
ملاك تذكرت رزان
ملاك:الو
رزان:قبل نحسبك نسيتيني وينك اختفيتي شنصار
ملاك:تو نحكيلك بعدين توة سكري
رزان:تمام
اما حني سعده طاحت من طولها وداخت....
وقعدو يحاولوا ينوضوها
الكـاتبـة سوسو الشريف
_____________________
نمشو شوية لمكان ولأول مرة ح نمشوله
حوش عيت خال ملاك جمال
شيماء:شهد نبيك ضروري
شهد:كنك مش فاضية
شيماء:شن اديري بس خاطري نفهم مسيبة الجامعة ومتشتغلش شن الي يبي يخليك منكش فاضية
شهد:خليني فحالي...وردت تحكي بالتليفون
شيماء كرت التليفون منها :تو انشوفوا اتكلمي في من...
وشيماء قعدت تقرا وشهد تحاول تاخذ منها التليفون بس مقدرتش عشان متقدرش عليها لان شيماء املا من شهد واطول منها بشوي...
قعدن يتعاركن لعند شهد حصلت التليفون وقعدت اتعيط...
شيماء:من هظا؟؟
شهد:ملكش علاقة وخطيني معش نبي نحكي معاك...
شيماء قمعزت حذاها :غار هي قولي بلاش برادة ...
شهد:اطلعي وسكري الباب وراك
شيماء:منش طالعة نين تحكي
شهد:منش حاكيتلك شي
شيماء :نا اختك مستحيل انخبر حد بس قوليلي ولاهظا مراد الي تحكي معاه !؟
شهد:تمام تو نحكيلك غار ردبالك تحكي لي حد كان حد يسمع بالموضوع نهارك...
شيماء:سرك في بير احكي نسمع فيك
شهد:لما......
الكـاتبـة سوسو الشريف
_____________________
عند مروان
كان يحكي مع خال البنت طبعاً معش حكا معاها عشان خالها قال ممنوع يحكي معاها لعند يجي يخطب رسمي
نزل مروان لامه
مروان:اميي نبيك فموضوع مهم انتي وحني
مريم:خير ان شاء الله شنفي
مروان:خير خير غار تعالي بس😁❤️.
مريم:الابتسامة هذي مش مطمنتلها...
مروان:بس تعالي يا امي مديريلش جو تحقيق تو تعرفي توة...
مريم:الله يستر😑...
طبعاً مشو للحاجة عشان يخبرهم مروان بموضوع ...
مريم:هيا احكي بس فكني من وجيجك...
مروان تكلم بسرعة:اليوم جيت نبي نستفتح معاكم موضوع الزواج عشان نا مليت من حياة. العزوبية واخترت البنت الي ح اتكمل معاي مشوار حياتي وخلاص اتخذت قراري ...
مريم:به شن انديرولك
مروان:كيف انتم هلي ڪيف شن انديرولك
مريم :نا عبارة عن مزهرية فالحوش انت اتخذت قرارك بروحك ونا مش مهم قراري
مروان:بس يا امي كنت نحسبك ح تفرحي بالخبر هظا...
حني:فوتها يا وليدي وتعال لحضني مُبـارك حبيبي وان شاء الله ربي يوفقك فحياتك🥹❤️...
مروان حضنها :شكراً حني انتي أحسن حد فالدنيا🥺💗
امه صبت من حذاهم...
مروان:يا حني شن قصتها امي ليش زعلت مني؟
حني:بس هيا غايره عليك ان وحدة اتججي وتاخذك من حضنها
مراد:واوو😂😂
