رواية كذبة خلتنا فورطة
للكـاتبة سوسو الشريف
الحلقة 16
رزان كانت تبرم فالدار ومتوترة
دارين مقعزة عالسرير وحاطة سماعات وولا هامها اما سارة قاعدة مع امها
وليلى كانت تقرا :يبنتي وقفي دوختيني لا عرفت نقرا ولا عرفت انبحت فيك ...
رزان اتقعمز جنب ليلى بملل :افففف ياربي امتى يجي بابا
ليلى:متخافش اكيد مش ح يطول وسعي بالك انتِ بس
وتسمع صوت باتها ...
رزان:اهو جا وطلعت تجري
رزان:بابا نطلب منك طلب
عمر:تفضلي شنو ؟
رزان:نمشي لحوش خالتي عائشة بنقعد عندهم كم يوم بس ...
عمر:عليش ان شاء الله
رزان تمت ادور في كذبة بعدها اذكرت:م ملاك عرسها قريب وكلمتني عشان نقعد معاها ...
عمر:واللهي نا سيارتي فالورشة شوفي خوتك مشعارف امتى تطلع...
رزان:بابا باهي قوللهم انت مش حيشيلوني كان قلتلهم ...
عمر:تمام يبنتي غار يجو بس ...
رزان:شكرًا يابابا
وخشت جوة...
ليلى:بالك يارزان معش كيف قبل
رزان:مستحيل مستحيل يتغير الوضع في كل مرة نفس الشيء
رزان:شوي هذي ملاك تتصل
الكـاتبـة سوسو الشريف
_____________________
سعيد ابتسم وهو منحرج:ا باه ياامي قوليلي شن ردو علينا...
تجديدة:واللهي البنية شهد كويسة وامها ماشاءالله عليهاا وانت ماشاءالله عليك لكن ....
سعيد:لكن شنو يا امي متقولش رفضت ...
تجديدة:اهاا ياوليدي راه مش اخر وحدة في الدنيا من بكرى نبدا اندورلك ...
سعيد انحبط:لا خلاص يا امي معش نبي أصلًا طارت منها النية ...وصبا من حذاها ...
وقريب يطلع من الدار
تجديدة :تعال هنا ياليد انبصر امعاك وافقوا وافقوا وبنمشو نطلبوا رسمي❤️...
سعيد كان منزل راسه ومنحبط لعند سمع كلام امه رفع راسه ومشالها يجري وهو الفرحة مش سايعته😭❤️ ....
وقعد يحب علي يدها وراسها :شكرًا يا الحنونة ❤️...
تجديدة:بشوية عليك كان نحسبك تفرح هكي راه خطبتها لك من قبل ما تزوج اختك😂❤️❤️....
سعيد:جميلك هظا مش رح ننساه فحياته ...
تجديدة ضرباته علي كتفه:مفش حاجة اسمها جميل بين الام وولدها ياهبل🤨...
سعيد:هههه قصدي انك خطبتيها ليا من غير ما اتقولي مش عاجبتني ولا من جو هالامهات 😅...
تجديدة:بس انفكر نقعد عمة واعرة
سعيد :لاا يستر بيتك😭😂...بس نعرفك امي حنونة وقلبها كبير مديرهش...
تجديدة قرصاته من خده:تعرف كيف اتلسني بالدوة😂...وعطاته كفين خفاف علي مكان القرصه
ويخش عليهم الحاج حامد :وين رايقين ...
تجديدة:واخر رواق يبدو ياحاج ان عيالنا ناويين يكبرونا بالغصب ويبو يزوجوا بنتنا وتوة ولدنا 🙂
حامد:وين وين من ورانا فرحونا لعيت من ولا مازلتوا مادورتوا
تجديدة :بنت خو راجل منى الكبير...
حامد :اهاا نعرفه الحاج جمال واللهي عرفت ما تختار ياولدي ومن بكرى نخطبولك جمال راجل متاع مواقف وماشاء الله عليه عالبركة ان شاء الله...
سعيد:تسلم ياباتي...وحب علي يده وراسه...
عند ملاك كملو حوسة السوق لليوم وقعدن خواتها يتفرجن علي الحاجات وهي سيبتهن وطلعت تتصل برزان ...
رزان:الو
ملاك:ايوه يا كلبة معقولة معش جيتي لعند توة واتسيبي صديقتك في أتعس أيام حياتها
رزان:واللهي انا بروحي نبي انجي وكلمت بابا ويبي يكلم خوتي عمتي جاية الأسبوع هظا ونبي انجيك قبل ما اتجي...
ملاك شهقت:هيييييي كذبة ينعلي طلعت ظالمتك وقاعدة حتى انتِ اتعاني المهم حاولي ادبري اي حد يجيبك...
رزان:وهظا الي نبيه باهي قوليلي شن تبي اديري توة انتِ فالمشكلة الي انتِ فيهاا...
ملاك:واللهي ماني عارفة قاعدة انفكر شن اندير
رزان:تقبلي الي انتي فيه وخلاص
ملاك:انا مش ح اندير الي قلتيلي عليه بالمعنى الحرفي
رزان:كيف؟
ملاك:ح انتزوج لكن ح اندمه ع الساعة الي تزوجني فيهاا
رزان:يساتر🙂هيا هيا سكري اهم شكلهم جو ...
ملاك :تمام وان شاء الله تزوجي خوي..
رزان:كيف شن قلتي؟
ملاك :سكري سكري ...
