رواية كذبة خلتنا فورطة
للكـاتبة سوسو الشريف
الحلقة 17
ماقبل الأخيرة...
ويبدا يقرب مني وقتها مكنتش عارفة كيف انفك روحي ونا كنت صغيرة واجد وهو كان اكبر مني مواليد 1990
يعني عمره وقتها 28 كان عملاق قدامي وكانن يومم مستحيل انتخطاه ولهالوقت انحاول منتلاقش بعمتي عشان منتحطمش من جديدد...وقعدت تبكي وتشهق
وائل بعد ما سمع الكلام غير وجهته وخش لداره
ملاك حضنتها :اسفة يقلبي منحسبش كل هظا صار معاكي واضح كنتي اتعاني طول هالسنين عشان اتحاولي تتخطي الي داراته فيك عمتك الشيطانة حسبي الله ونعم الوكيل فيها ...
رزان وهي تمسح فدموعها:ومش هظا بس
ملاك:شن مزال في اخرى
يوم زورة منى لهلها بعد مرور شهر من زواجهم بعد عرفت ان امها خطبت شهد
منى:انا قتلك من قبل الا هذي نا منطيقهش
سعيد:وانا قتلك اني رح ناخذها بيك وبلاك نا الي نبي انعيش معاها مش انتِ ارحميني شوية ديما نفس الموضوع مدخلكش انتِ محد خذا رايك اطلعي منها لانك صدعتيلي راسي...
مني:تمام يا سعيد صار نا محد ياخذ في رايي تو اتشوف انت وياها من الي اتعاندوا فيها
سعيد:منى ورب العزة نلقاك دايرة حاجة من وراي اتشوفي مني شي عمرك ما توقعتيه هذي حياتي وانا حرر فيهاا وشهد انحبها من زمان وبسببها هي سيبت مواضيع المعاكسات وتبت ورجعت لربي عشان تأكدت ان الي كنت اندير فيه عبارة عن تخلف نفس كلامك الي توة وانتِ ملكش علاقة فالموضوع اطلعي منها ويوصلني شي عليك اتشوفي مني العجب ونمشي انكلم راجلك عليك حذرتك(جاب سيرة ادم عسبة هي اتخاف ان يسيبها وهكي)وسكر باب الدار في وجها
منى:اففف منكك افففف....
الكـاتبـة سوسو الشريف
_____________________
عند عيت جمال خال ملاك
خالتهم اسيل وعمتهم مريم وحنهم نجيه
شهد:مشعارفة كل شي جا فجأة
نارين:قبل قلت وين شهد اتخبي عليا مش ع أساس نحن قراب من بعض وبنات خالات ومنخبوش شي علي بعض ويـن الكلام هظا كله
شهد:افهميني انا الفترة هذي مشعارفة شن قاعد يصير معايا كل حاجة صارت فجأة خايفة من الي قاعد يستنى فيا فالمستقبل
نارين:تمام باهي انتِ شنو متريحة صليتي استخارة
شهد:اهاا ثلاث مرات اخرى وتريحت طبعًا الثلاثة للتأكيد يعني كان صليتي فالمرة الاولى ومحسيتش شي عاودي صليهاا وكان فالمرة الثانية حتى هي محسيتش عاودي صلي لعند الثالثة ثابته يعني لو حسيتي مثلًا انك واعية متنكدة وهكي وجسمك حسيتيه متكسر معناها مش خيرة لكي وكان نضتي فرحانه ومتريحه معناها توكلي وكان فالثلاثة محسيتش شي عادي ربي تو يدير اي شي يبعده عنك لو مش خيره لكي ولو خيره لكي حيصير اي شي ويقربه لكي
نارين:خلاص معناها معندك عليش خايفة
(للبنات الي مشعارفات كيف صلاة الاستخارة
كيفية صلاة الاستخارة
أن يصلي ركعتين مثل بقية صلاة النافلة، يقرأ في كل ركعةٍ فاتحة وفالأولى سورة الكافرون وفالثانية الإخلاص ، ثم يرفع يديه بعد السلام ويدعو بالدعاء الوارد في ذلك، وهو: اللهم إني أستخيرك بعلمك، وأستقدرك بقدرتك، وأسألك من فضلك العظيم، فإنك تقدر ولا أقدر، وتعلم ولا أعلم، وأنت علام الغيوب، اللهم إن كنت تعلم أن هذا الأمر (ويُسميه ) خير لي في ديني ومعاشي وعاقبة أمري فاقدره لي، ويسره لي، ثم بارك لي فيه، وإن كنت تعلم أن هذا الأمر شرّ لي في ديني ومعاشي وعاقبة أمري فاصرفه عني، واصرفني عنه، واقدر لي الخير حيث كان، ثم أرضني به ) ان شاء الله استفدتن
اللهم صلي وسلم على نبينا محمد
طبعًا صلاة الاستخارة مش بس فالزواج يعني حتى كان خاشة لشغل جديد ولاا تبي تشري سيارة ولاا حوش جديد وهكذا...
نارين:هي تعالي البنات اكيد دايرات جو وفاتنا
شهد:مع ان معندش نية بس هيا
نارين:كنك نكدية انسي وحاولي تكوني سعيدة
شهد:ان شاء الله
