عدلت الرواية في اخر الحلقة ح تلقو نص قصير🫶🏻
رواية كذبة خلتنا فورطة
للكـاتبة سوسو الشريف
الحلقة الثامنة
.
.
عند مراد وصلهم لحوش اخت حنه
ويشوفهم وهما خاشين وتفتحلهم الباب حفيدة اختها
مراد من أول ما شافها عجباته
مراد كان يشوفلها وهي جت بتسكر الباب واتجي عينها فعينه ويغمزلها هي اتحشم واتخش ع طول...
مراد يعض ع شاربه:اخخ محلاها الفرخة ❤️🔥
وولع سيارته ومشا بيها والبنية مزالت شاغلة باله
اما عند حنه وخالته مريم بعد خشن من الباب وفتحتلهم البنت
حني نجية:خير انتِ بنت من
البنت:انا نشوى بنت نجيم
حني:صاح ماشاءالله اللهم بارك
مريم :ماشاءالله كبرتي اخر مرة شفتك كنتي تلعبي فالشارع
نشوى ابتسمتلهم ودخلتهم للصالة
وخشن الصبايا يهدرزن
اما نشوى مشت لي بنت عمتها فالمطبخ
نشوى:تقوى تقوى
تقوى:ها كنك نا لازم انغيره اسمي كرهتيني فيه
نشوى:غار اسمعي
تقوى:نسمع قاعدة شن قالولك عليا
نشوى:المهم توة جت اخت جديدة ووصلها واحط طرف يا انتِ
تقوى كانت تاكل فزريعة واتبحت فالتليفون بعد قالتها لها سيبت الي فيدها :كذابة وين وامتى وكيف يا الخاينة ...
نشوى:توة يا غبية خيانة ايش من اول ما شفته جيتك على طول😒
تقوى:باهي كملي هظا حده؟
نشوى:لا مش هظا حده ونا نبي انسكر غمزلي
تقوى: اتبصري
نشوى :واللهِ
تقوى:خزي يحظك
الكـاتبـة سوسو الشريف
______________________
ملاك:؏ اساس انتم الي تبو تقعدو قدام خليقته اربعة وعشرين ساعة باتي موافق عليه يجوزه هو
ماما :به به سكري فمك وقعمزي مش وقته
ملاك😒
ماما :اسمعن راهو جدكم قال نبيكم فموضوع مهم لازم الكل يكون موجود..
ملاك: شنو جو الاتراك هظا الي يدير فيه
ماما: اسكتي عيب
ميس:كلنا ؟
ماما:اها كلنا قال نبي صغيركم وكبيركم يحضر
ملاك قالت بصوت واطي :شكله بيوزع الورثة من توة عليك جو
ميس:ملااك تحشمي علي وجك
ملاك:مقلت شي بعدين جدي باين عليه يودع خلاص شايب كبير اساساً بعد تزوج حني كان عمره فالأربعين وهي كانت صغيرة واهو شوفيه احفاده قعدو كبار...
ميس:به انعمينا بسكوتك
ملاك سيبتهم ومشت لبسة عباية وطلعت للشارع
عند مروان خش عليه مراد فالدار
مروان كان مبتسم ويكتب
مراد:كنك تضحك قبل كم دقيقة كنت زعلان شن تغير فهالعشر دقايق
مروان:قصدك اطناشر دقيقة...وعيونه فالتليفون
مراد:معرفتكش يا محقق كونان انت شكلك بعد سيباتك الهانم صابك توحد وقعدت اتبحت فالساعة وتحسب فيها
مروان:متعلم بشي انت فالدقايق هذين شنصار
مراد:باهي احكي هظا عليش نسأل فيك نبي نعرف 🙂
مروان:حولت مني الحظر وردت عليا
مراد:وباهي كيف صار وعليش شن خطر عليها
مروان:حاجات عقلك الصغير ميقدرش يستوعبهن
مراد:ترا فكني من برادتك وتكلم
مروان : كلمتها من رقم اخرى وقلتلها اني رايدها بالحلال وقلتلها نبي رقم باتك مبتش تعطيني بس بعد محاولات هظا كله من امس وانا اندزلها المهم قالتلي اسم خالها وخالها كيف خوها لكن اقرب عشان هو أضمنلها ومرات نمشي لباتها ونكذب عليها ومن جو الفروخ وكلمني خالها وقالي انتلاقو في/// .
مراد:باهي وانت ماشي اتقابله وقصدك تبي تخطبها صاح مبردك كلمها قبل حلك عرفتها...
مروان: شنو مبردك انت تبيني اندير نفس جوك؟ يعني نحكي مع البنات براحتي من غير علم هلهن ؟؟ ونغضب ربي وانخليها تعصي ربها ؟ انا الجو امتاع الفروخ هظا منبيهش الواحد لازم ايكون واضح من البداية وكانهو ولد عالم وناس را جاها من الباب ...
مراد:شن قصدك .. تقصدني نا؟؟
مروان:أفهمها كيف ما تبي تفهمها أساساً تصرفاتك غلط من زمان وملقيتش من ينبهك ... وخذا شحنه وتليفونه وطلع ...
مراد كيف الي عطاه كف وكأنه انولد من جديد لان كلام عمره ما حد قاله له كل من يقوللهم انكلم في كم بنت يضحكو ويعززوله يقعد يحسب روحه داير إنجاز....
