رواية كذبة خلتنا فورطة
للكـاتبة سوسو الشريف
سـهـى الشريـف
الحلقة الإثنى عشر
ثاني يوم الي هو التفريشة
الكل كان يجهز فالضيافة وسيقو الحوش ونظفو وبخرو
شهد:شنرايكن طالعة حلوة...
ملاك:تفجعي... لكي ساعة تسألي وانقولولك حلوة مفش حد فالحوش وما سألتيه
شهد:قصدك صاح مش حلووة😥
ملاك:تي حلوة ياهمي
رزان:شن في ليش متوترة ومأوفرة فالميكياج وكل شوية اتعدلي فشكلك واتبحتي فالتليفون وخلاص في أن الموضوع
شيماء:🌚 محوتك مسكت روحها كان اتحصل تحكيلهن ع الي ادس فيه شهد
شهد:شي مفش شي
ملاك ضربت كتها بكتف شهد :وين يا حلوة شكلك حصلتي صاحب صوب من ورانا وغمزتلها😉...
رزان:ووهه عليه حتى انتي
شهد:من تقصدي في حد اخرى هنا علي علاقة؟
شهد:قصدي مفش منها الدوة هذي بس مرتبة منظري عشان في صبايا جايات ملا نقعد منظري اتقول متشردة
وتوصلها رسالة وصوت الاشعار عالي وكلهن دكن روسهن فالتليفون والرسالة طلعت ع الشاشة من فوق
:حبيبتي مش قادر نستنى لعند بعدين عشان انشوفك🥹❤️...
البنات:اووووو وقعدن يصفقن ويضحكن
ملاك:مش ع اساس مفش حد كان غار قلتيلنا را درنالك ورد في مكان اللقاء 😂
ليلى:وين ؏ الجو مفيها شي كان قلتيلنا😂
رزان:تو انوتيلك مناديل عشاان تنشفي فيهن دموعك وتذكري انها سعادة مؤقتة
شهد:كنك هكي متشائمة وشن اتقولن انتن اطلعن منها
ملاك:راك بالعربي حاصلة فروحك اطلقي روحك شوية شنو البرادة هذي المهم انهي السيرة ولما تبي اتشوفيه قوليلنا ياشيماء
شهد😒
شيماء :تم احسن عشان اتساعدني واتغطن علينا😁
الكـاتبـة سوسو الشريف
_____________________
بدن البيابات والألعاب النارية وعلن صوت الزغاريت فالحوش
وخشن الصبايا وكلهم قعدو لاهيين مع التنظيم والضيافة طبعاً الا شهد كانت هايمة وتستنى فاللقاء مع حبيب القلب
شيماء:بنات هي
ملاك انفعلت وقالت بصوت عالي:هياااا انطلاققق
كلهم بحتو فيهاا
ماما:شنو ؟
ملاك:قصدي ننطلقوا لتفريشة شقة خالي😅
ماما:اهاا به اسكتي فكينا من كشايفك
سناء مرات فراس خو ملاك:ملاك الله يربحك امسكيلي أَلين مش فاضية لاهية فالخدمة...
ملاك:واللهي ترا احلفي انتن تجيبن ونحن الي انربوا البنت هذ بالذات فكيني منها هرجتها واجدة ووجهاا شين نكدية شار منك ...
سناء:أصلًا مستغربتش عمرة ماكان فيكي فايدة 😒😒مرام حبيبتي تعالي امسكي بنت خوك وهنيني منها الله يربحك
مرام:تمام عطيها ليا لونا ❤️...
سناء:نجكلي عسل مش كيف ناس واجد
ملاك:صاح صدقتي وانتِ اول الناس 😉
سناء:وااك انقنك ادرهي فالكبد خطيني وانتِ كلمة بكلمة
ملاك:مش شار منك يا كنة النحس🙂
سناء:اللهم ثبت علينا العقل والدين ومشتت...
ملاك:انحب دور الحمايا الشريرة😂👏🏻...
وطلعت ملاك تستكشفت فالجو عشان محدش يشوفهم
اما عند شهد كانت طايرة من الفرحة
سراج:وأخيراً شفتك يعيوني مش متحمل ساعة بلاك🥹❤️
شهد ؏ اساس متحشمة:وانا اكثر يقلبي ❤️
سراج:مسك يديها:نوعدك حبيبتي بعد فرح خالك نخطبك طول ونقرو الفاتحة ربي عالم ان نا مكنتش حاب ان نحكي معاك الا وانا خاطبك بس الي صار صار....
شهد:واللهي حتى نا مش حابة نبدو هكي لكن مشقادرة انبعد عليك نموت لو اتسيبني😔
سراج :مستحيل انسيبك مكلوب نا انسيب الجمال هظا كله محلاكي كيف طالعة قنينة ؏ قولت الغرابة🥹🔥...
شهد ابتسمت وشافتله بعيون مليانة حب :ربي يخليك ليا وميحرمنش منك يعمري 😭❤️
سراج:ولا يحرمني منك يا ستهم❤️😔ممكن طلب
شهد:شنو؟
سراج:شي واحد قبل ما نطلع نبي نحضنك
شهد:بس
سراج :لابس ولا شي انتِ خلاص عن قريب حتكوني مرتي يعني مفش شي غلط انديرو فيه وقرب منها
ملاك:ينعلي هظوم انسجموا واجد يحسبو رواحهم برا خلني انخرب عليهم الجو مشتلهم تجري
ملاك:وعيطت جنبهم:وين وين خذيتو راحتكم بالزايد
سراج وشهد انفجعوا ونطو من مكانهم
شهد وهي راقيتلها:ملاك شنفي لـيش درتي هكي
ملاك:من حقك اتعصبي لاني منعتك تغلطي وانت ياسيد بعد تقعد قاري عليها الفاتحة هذك الساعة دير الي اديره اما توة لا بنتنا مش لعبة عندك ..وكرت يد شهد:انتِ تعالي معاي
سراج شاف لفوق خذا نفس عميق :كله من هالفرخة ملاك كان هظا اففف...وطلع...
الكـاتبـة سوسو الشريف
_____________________
شهد كرت يدها:ملاك شندرتي توة كنك تفجعي فينا هكي
ملاك:شنو شن درت انتي الي شن اديري مخليته علي حل شعري يدير الي يديره افرضي حد شافكم
شهد:مفيها شي وبعدين هو يبي يخطبني
ملاك:شكلك مضحكة بعد ياخذ منك الي يبيه يعزقك وبعدين ملقيتي فيت سراج ولد جيران عيت جدي انقنك هبلة ومسرع ما ينضحك عليك هظا طول عمره مكسد ع البنات وحيصير فيك كيف باقي البنات الي كلمهن...
شهد:مدخلكش سراج يحبني وانا مش كيف البنات الي كان يعرفهن انا غير عنهن لان عرف الحب معايا اللخرات بس عبارة عن زلات وتوة تاب ويحبني انا وح يتزوجني...
ملاك:هظا عمره ما يتغير ولو يبيك صاح راهو مكلمكش وخطبك طول...
شهد:يبي يخطبني بس مش توة عشان مظغوط
ملاك:تمام تو انشوفو وطلعت وسيبتها ...
