رواية كذبة خلتنا فورطة
للكـاتبة سوسو الشريف
سـهـى الشريـف
الحلقة الثالثة عشر
وانحلن البابين فنفس اللحظة ...
فرج:تحكي مع من هيتي التليفون
ناصر:هيت التليفون وكر منه التليفون
ناصر& فرج:ألوو
مراد&ملاك رقدن عظامهم وفشلو واسودة الدنيا فوجوهم....
ناصر:فرج؟؟؟؟
فرج:ناصرر؟؟؟؟
انذكركم ان ملا ومراد عيال عم وخالة فنفس الوقت ...
ناصر:فرج ياخوي من لحمي ودمي هكي اديرر فياا
فرج:المفروض أنا الي انقولك الكلام هظا راك راجل كبير
ناصر:شن اتقول علي روحك انت تحكي مع ولدي وكلام رومنسي
فرج:شندخل ولدك انت الي قاعد تحكي مع بنتِ بالكلام الي حكيت عليه...
فرج&ناصر:أهااااا توة فهمنا شن القصة ...
فرج:بنتي تحكي مع ولدك
ناصر:وولدي يحكي مع بنتك
فرج:يعني شنو معناها
ناصر:نحن ح نقعدو نسابات😂...
وناصر طلع بالتليفون من دار مراد وفرج طلع من دار ملاك وفي يديهم التليفونات وقعدوا يهدرزوا...
وسيبو ملاك ومراد في حالة صدمة ومشعارفين شنصار بالزبط...
الكـاتبـة سوسو الشريف
_____________________
وائل اخ ملاك:عمري ماتوقعت اتكوني انتِ ورا كل هظا
وفاء:صدقني انت فاهم غلط
وائل:شن الي فاهمه غلط كل شي واضح وانتي طلعتي مش قد الثقة
وفاء :انت أساسا مهتميتش لوجودي ولا قدرت الي كنت اندير فيه لك
وائل:يعنيي الحق طلع عندك فجأة ولا كأنك انتِ الي شفتك امبدري مع واحد فـي زاوية الجامعة ولا فالليل انكلم فيك مرة مشغول ومرة امسكرة وكلما انكلمك اتقوليلي مشغولة وع أبسط شي اديري مشكلة ونا نطلع الغلطان فشن قصرت معاك نا
وفاء:شن الي درته ليا لا بيان كيف الناس ولا تلبيسة ولا شي وتليفون الي عندي مش منك ولما نطلب منك فلوس اتقولي استني واصبري ومفش تطور انت حتى ثقة متوثقش فيا ولما انقولك ان هظا عبارة عن ان كان مستعجل وانا متأخرة عالمحاضرة ....
....
وفاء^^
نا من النوع الي منحبش انكثر صحبات انطوائية انحب نلبس دبش غالي وماركة معروفة تقدرو اتقولو اني نمشي في وقتي فالصرف والفلوس يغنو فيا عن الناس نشري فكتب وانتفرج ع افلام وصحبتي الوحيدة فالدنيا ماما وبابا وخويا وعندي صحباتي الاثنين متعرفة عليهن عالنت انا وحيدة هلي عندي اخ واحد ومدلعة هظا عليش مش اي حاجة ترضيني و تعرفنا انا ووائل في أيام الشهادة الثانوية نفس منار لما خطبها أحمد وهو جاي يبي ياخذ في خواته ملاك ومنار شافني اكثر من مرة وسأل عليا ودور ؏ حسابي مع ان قالوله متكبرة وشايفة روحها معدلش علي كلامهم وتبع قلبه وتعرفنا فالبداية رفضت بس بعدها لقيت روحي مستسلمه لمشاعري وقعدنا علي علاقة لمدة سنة بعدها خطبني خطوبة لمدة سنتين وسنة مشت مزالت سنة وحدة وتوة يبني فشقته ...
كنت ماشية ومستعجلة لاني تأخرة عالمحاضره والدكتور مش رح يخششني لو جيت بعده
شوي ونا انطلع فتليفوني منن الشنطة ونبي انشوف الساعة ونجري ومش منتبهه للطريق نخبط فواحد
وفاء:أسفة آسفة مش قصدي...مع ابتسامة من الاحراج
سالم وهو مبتسم:معلش عادي يا اختي مش مشكلة ليش مستعجلة
وفاء:واعية متأخر والدكتور مش ح يخششني
سالم:قصدك استاذ حسن الصابر
وفاء:اهاا
سالم :اليوم اعتذر مشفتش الرسالة؟
وفاء:حي مشفتش ..وتفتح التليفون
وفاء:افف كان هظا كملت نومتي😭
سالم:مش مشكلة خطرها انتِ شن اسمك تقري معانا فالقسم معمرش شفتك
وفاء:انا وفاء..وفاء فضل الله
سالم:اهاا وانا سالم منتصر تشرفت بمعرفتك ...
وفاء:ونا اكثر ...وابتسمتله
وايجي وائل من بعيد
وائل:انتِ شن قاعدة اديري هنا ..وعيونه حمر
وفاء:وائل وسع بالك هظا
وائل :كيف اتقوليلي وسع بالك ونا انشوف فيك مصبية مع واحد واخرى فنهاية الجامعة وورا شجرة مكان ممتاز بكل لعلاقاتك السرية... وصفقلها
وفاء:شن اتقول انت ميحقلكش تحقي معاي هكي ونا متربية منديرش هكي
وائل:واضح متربية لدرجة قاعدة مع هظا الي منعرفش من وين
سالم:معلش يا أستاذ اناا سالم والي انت جاي اتقول فيه غلط ومفش منه وفاء بس...وقبل ما يكمل كلامه يعطيه وائل بوكس علي وجهه
سالم:انت كيف تتجرأ ترفع يدك عليا انا شخص محترم والباين انت مش هكي نعرف نتصرف معاك بطريقتي الخاصة ...ويمشي يكلم الأمن وياخذوه ويطلعوه برا...
وفاء:أسفة ياسالم عالمشاكل الي صارلك بسببي
سالم:لا انتِ ملكش علاقة لما اتكون في علاقة حيكون أساسها الثقة والثقة اتجي قبل الحب ...
وفاء:اسفة مرة اخرى ..وتمشي تجري ورا الحراس
وتلقاهم مطلعينه برا وهو من العصبية مش قادر يوقف ع كرعيه...
......
انردوا للحاضر...
وائل:انتِ اتقولي هكي مش ؏ اساس الحب أهم من الحاجات المادية انا في شن قصرت معاك نشتغل ليل ونهار عشان انكمل الشقة وانحاول منقصرش معاك وانتِ تنكري كل الي درته
وفاء:والثقة اهم من الحب انت اكثر من مرة درتلي مشكلة ع أساس اتغار وانت لو تحبني صاح تستر عليا ومتخلش حد يحكي عليا كلمة مش تقعد عسبه الغيرة اتكشف بيا !!
وائل:تمام انا انكشف بيك يبدو ان علاقتنا فشلت معرفة خير وان شاء الله تلقي أحسن مني
وفاء:كيف يعني لي هالدرجة هاينة عليك ...
وائل:كانت تجربة وفشلت ...
وفاء:تمام يا وائل تماام ...وسكروو
وفاء عزقت تليفونها عالسرير وقعدت تبكي
ووائل مش أقل منها ...
