يا شامة على وجه القمر يا قمرا ورى الليل الضرير ّ

البارت الرابع ّ

'—————————'

بعد يومين

ماتقابل مهيب بابوه متعمد لانه للحين مصمم على رايه ورفضه الكبيره للموضوع!

وموضوع شغله كلم فيه جدته الي جلست للجد يومين وهي تزن علليه

وكانت الجده تعشق ككل احفادها العيال بشكل كبيير ومختلف

واول مافتح معها مهيب الموضوع وهي ماسكتت للجد داغر والي كنه لان شووي وبيوافق بس من ورى قلبه

وبعد ماقرر اخر قرار له قال: ياصصقير ناديلي مهيبب

ترك صقر الي بيده وهو يمسح جبينه وراح لجواله واتصل بمهيب وقاله: جدي يبيك

ورجع يكمل شغله وبعد وقت دخل مهيب الي متغير كثير وطول وقته متكدر وماهو مهيب الاولي

جلس جنب جده بعد ماباس راسه: طلبتني ياجديي

الجد بهدوء: وش الي تبي تشتغل فيه

ابتسم وجه مهيب بفرح وهو حس فيه تطور دام جده يساله بالموضوع!!: الي ودك ياجدي

سكت الجد بتفكير وقال اخيراً: تذكر محل الذهب الي دخلنا فيه شراكه مع ابو سلمان

مهيب: ايه اذذكر؟

الجد: بلغني ابو سلمان انه يبي يبيعني حصته من المحل لنه بينقل قريب

وانا راح اشتريها منهع ويصير المحل كامل لنا.

وشدد على لنا

مهيب بترقب: ايه؟

الجد: ابيك انت تمسك المحل كلله، دامك منت حيل شغل هالمزرعه

مهيب بفرحح: صاادق ياجدي

الجد: وانا اقول كذب!! ايه صاادق

ولده سلمان بيسافر معه وهو الي كان ماسك المحل يعني الحين انا محتاج الي يوقف فيه

وماني ملاقي احسن منكك

مهيب بحماس: انا معك بالي تامر فيه ياجددي

الجد: اجل على بركة الله نروح اليوم ونشوف المحل وكلها كم يوم يعلمك سلمان على الشغل قبل يسافر وتبدا شغلكك.

ماقدر مهيب يجلس بمكانه من الفرح وركض يبوس راسه ويد جدده وهو يردد: الله يخليك لنا ياجددي ويطول بعممركك.

قرب منهم صقر بابتسامه وهو يشوف وضعهم الي واضح ان نتيجته موافقه!

وحضن مهيب وهو يبارك له: مببروكك مبروك اخخيراً يامهيبب

الجد: وماهو مهيب بلحاله

انت بتعاونه ياصقر

صقر: تتبشر ياجدي ويبشر مهيب

تنهد مهيب براحه: الحمدلله يلاا يلا بروح ابششر اممي

وطلع من عندهم بسسرعه وهو يحس انه بيطير من الفرح