بيت الجد قاسم
الجد قاسم واقف ينتظر عياله واحفاده يجون بيمشون المسجد يصلون الفجر
الجد قاسم : يااااا ولد عجل انت وهو
جو عبدالرحمن وعبدالعزيز وخالد ورائد ومعهم مصعب وهم يسلمون على الجد بيمشون والتفت الجد لهم
الجد قاسم بعصبية وعينه تدور عبدالله: وينه الطعس ذااا هااااه؟؟
عبدالرحمن ناظر عبدالعزيز بتعب: رح يا عبدالعزيز ناده ( لف على الجد وكمل: بيجي بيجي بس يتوضى
الجد قاسم : هاذي تربيتك الحين بتفوته الصلاة وهو منسدح خل نرجع من المسجد والله لاقشر جلده
جو عبدالرحمن وعبدالله يمشي ويلبس نعاله
عبدالله بضحكة : شفيك انت مستعجل المسجد قدام البيت ثواني وانا داخله خلني اكشخ
عبدالعزيز بطرف عين: الحين جدي بيكشخك عدل
رائد يناظر عبدالله من بعيد ويسويله حركات بيده بمعنى يا ويلك وجدي بيذبحك وعبدالله اشر له بمعنى طيب طيب وهو يضحك وعبدالعزيز مستغرب من اخوه
عبدالله بضحك : الحين جدي بيجي يكفخني وتقف انت قدامه ويجيك التكفيخ عشان كذا ماني بخايف
عبدالعزيز ضحك: اي شفت كيف وانا مستغرب اقول وش فيه ذا فرحان
وصلو للجد وعلى طول قال عبدالعزيز : يلا يلا مشينا بنتأخر
سكت الجد وراحو للمسجد بس الجد سكوته ما يعني خلاص رضى لا بيرضى خاطره بس يرجع واليوم ماراح يسمح لعبدالعزيز وغيره يوقف في وجهه
....................
بيت منير
منير بصوت مهزوز باين فيه الكبر : يلا يا بنتي عجلي علي
الجوري جات لابوها تركض وبكل ركضة يرن فيها خلخالها: جيت جيت
عطت ابوها كاس الماي وهي مبتسمه بعذوبة : تفضل يبه بالعافية
ابتسم لها ابوها وهو يشرب وهي كملت بدلع: ياا يبه ابي انزل السوق اليوم ابي اخذ لي كم قطعة ثيابي صارو قدام وفوق ذا يا يبه ابي اسوي لنا جلسة حلوة على السطح لان الشتاء قرب ويبي لها فرشة ومخاد بنزل ا جيبهم اليوم تكفى
منير وهو مبتسم: طيب يا بنتي بروح اصلي وافتح المحلات اليوم عبدالرحمن مهو بموجود وبجي اخذك
الجوري : لا يبه انت روح صلى وتعال افطر وانت رايح تفتح انا بروح معك بخلص وبرجع السوق ما هو ببعيد رميه حصاه
هز لها ابوها راسها بمعنى تماما وراح متوجه للمسجد وهي على طول المطبخ تجهز الفطور
.....................
بيت الجد قاسم
نورة بالمطبخ تجهز الفطور مع عمتها سلامة وبقى شوي
أنت تقرأ
بروحي ضميتك ليه صديت
Romanceيقول الشاعر: شَكوْتُ إلى الحَبيبةِ ما أُلاقي لِـسُوءِ الـحَظّ مِـنْ أَلـمِ الـبُعادِ فَـقالتْ إنّ حَـظّكَ مِثْلُ عَيْني فَـقُلْتُ نَـعَمْ وَلكنْ في السَّوادِ الكاتبة شين
