زواج متعب
من الصبح
علي مقفل بقالته وجالس على الدكة يدخن وينتظرهم يجون عشان الحلاق شوي وجا متعب اول واحد وجلس
متعب: والله يا علي ما ادري كيف اعبر لك عن محبتي لك من داخل والله الجوري كانت بترفض بس لو مو رسالتك كان انا ميت الحين
علي ضحك بستهزاء على نفسه: جمعتك بالجوري ومخلد بالريم ورائد بعديمة الاسم وانا من يجمعني بها
فتح متعب عينه بصدمة من كلام علي وناظره وعلى طول تذكر البنت اللي تجي البقالة وعلي يمزح معها
متعب: تبي ام بلعوم ما اذكر ايش اسمها ياخي بس ليه ما قلت
علي: قلت ولا ماقلت مايفيد الحين بكره تروح لرجلها
متعب انصدم اكثر يعني حالته وتغيره ودخانه الحين بسبب ام بلعوم وبتتزوج ضحك متعب وعلي انقهر ووقف
علي بحده: انا رايح البيت
متعب انتبه على نفسه وانحرج من علي وما امداه يتكلم الا وعلي معطيه مقفاه وماشي
متعب ضرب رجله على الارض بقهر: يعني وقتي انا اضحك هو ماقصر كتن يسمعني ويجيب لي حلول الحين انا زعلته اول ما جا يشكي
جا مخلد وهو يركض ويصارخ: تأخرت سامحوني يلا مشينا
شوي وجا عبدالعزيز يمشي وهو يضحك على صراخ مخلد ووقفت سيارة محسن وهو يدق بوري وغير مخلد اتجاهه لسيارة محسن ونزل محسن وهو يستقبل مخلد اللي نط عليه وطاحو ارض وعبدالعزيز مصدوم مين ذا ومتعب يضحك قام مخلد ومحسن قام وهو يضحك بس متألم من ظهره
مخلد بضحكة: النية شي واللي صار شي ثاني
محسن: اي كسرت لي ظهري
ضحك مخلد وهو يسأل عن اهل المدينة ومحسن يجاوبه وهم مكملين طريقهم للحلاق ومتعب انصدم منهم حتى من محسن ما جى يسلم ولا بعد كملو للحلاق
عبدالعزيز: مين ذا
متعب: ذا محسن قد سولفنا عنه انا وعلي ومخلد من جا من المدينة ما مسك لسانه كل شوي يقول محسن
عبدالعزيز: طيب هم سحبوا علينا
متعب وهو يسحب عبدالعزيز: اي اي قم نلحقهم
عبدالعزيز ما كان يدري بحال علي: لا لا رح انت انا بنتظر علي اصلا غريبة للحين ما فاتح بتضيع ثروته اللي اشغلنا بها
متعب صد عليه: من متى مو شايف علي
عبدالعزيز: والله ثلاث اسابيع يمكن اسبوعين
متعب: ايي شوفه الحين والله متغير ما تعرفه ما همته ثروة ولا بقالة وحتى التليفون اللي اشغلنا به ما عاد يهمه ولا ابشرك بعد سكره وحطه بكرتون وخباه في المخزن يقول ماهو بمهم
أنت تقرأ
بروحي ضميتك ليه صديت
Romanceيقول الشاعر: شَكوْتُ إلى الحَبيبةِ ما أُلاقي لِـسُوءِ الـحَظّ مِـنْ أَلـمِ الـبُعادِ فَـقالتْ إنّ حَـظّكَ مِثْلُ عَيْني فَـقُلْتُ نَـعَمْ وَلكنْ في السَّوادِ الكاتبة شين
