بروحي ضميتك ليه صديت

Part 18

عند الجوري

تحمد ربها ان الله خلا عبدالعزيز يندم ويجي هنا ويجيب لها اكل لو مو هو بتموت من الجوع وجلست تاكل بهدوء خلصت وانسدحت على السرير تناظر فوق وتفكر ببكره واليوم اللي يجمعها بمتعب

..............................

متعب دخل والكل كان جالس بنات وشباب والجد وخواله وقف وهو يناظرهم 

قال بصعوبة ما عرف كيف ينطقها حتى يخاف يقولها ويطلع ظالمها ويخاف ما يقولها وتطلع صدق تخونه بس قالها وهو يتذكر ان مالها غير ابوها وعمها ومستحيل يكون عمها لان عمها شايب وللي شافه شباب قالها بغصصة وضحت بصوته وعينه على الارض ودموعه بتنزل بس مسك نفسه: يا جدي خلاص بطلت ما ابيها لا تكلم انور خلاص ( طلع من عندهم وببلعومه غصة وبعينه دمعه وقلبه مكسور

راح غرفته دخل وقفل الباب وضرب على قلبه بقوة وقال: لييه تحبها ليه من الاساس ليه حبيت آآآآآخ ياقلبي

تكور على نفسه فوق فراشه وهو ينوح بصوت قوي سمعته امه وهي رايحه لغرفتها جت بتفتح الباب بس كان مقفول وفقت وهي تسمعه يبكي ما تعرف ايش فيه ما تعرف ليه يبكي وليه مايبي الجوري

سلامة ببكي من صوته ومن ورا الباب: يمه متعب ايش فيك يا متعب تعبان؟ مريض؟ ليه تبكي؟

متعب بصراخ وصوته واضح خانقته العبرة: خذاها يمه خذاها وقطع رزقي يلعن شكله بايش هو احسن مني هاه اييش بقا ما سويته لها ليه تختار غيري ايش اللي عنده ومو عندي انا يمه 

سلامة: مو احسن منك يا يمه مو احسن هي اللي ما تستاهلك يا ولدي ولا تستاهل دموعك ونوحك ذا لا تبكيها يا متعب تروح هي ويجي غيرها 

متعب صرخ: الاا احسن مني اكيد وهي تستاهل لو اعطيها روحي يا يمه تستاهل ولو جا غيرها يمه ما ياخذ مكانها يمه 

سلامه تنهدت وبكت من بكا ولدها : يمه لا تبكي وتأذي قلبي لا تبكي

متعب راح وفتح الباب وقال: تعذبت يمه تعذبت كثيييير عشانها اخر شي تخونني لو احد قالي بكذبه وبمشي بس اشوفها بعيوني تخون يمه بعيوني 

جت امه بتحضنه بس ابعدها: ما ابي احضان انا ما ابي ابعدي

امه فتحت عينها بصدمه منه وتغيره وكمل: اصبر روحي انا بايش يا يمه 

متعب جلس على ركبه وقال: يمه هي تبعد وانا اقعد متعذب ما اعرف كيف اصبر نفسي يمه هي دايم تغلط وانا اللي اعتذر يا يمه ومرات تطلع روحي وما ترضى والحين شو اقول لروحي يا يمه كيف افهم روحي انها راحت من يدي يا يمه وقلبي كيف يعيش بعدها يعيش حيران؟ يمه ما اقدر انساها هي بداخلي بدمي يا يمه بدمي تجري وكل نبض ينبض به قلبي باسمها كيف انساها الحين كيف هي راحت وانا راح عمري يمه لو اعرف بس ليه ما تبيني وتبيه لو اعرف اللي عنده وما عندي