مر اليومين بدون احداث واشياء مهمة
الفجر
بيت الجد قاسم
الجد قاسم واقف مع خالد ومصعب ورائد وجاهم عبدالرحمن وعبدالعزيز وعبدالله وحركوا المسجد
نورة بالمطبخ تجهز الفطور وجاتها هتان
هتان باستهزاء: هلاا هلاا نوير متهاوشه مع الجوري ما جت تاخذ بحقك هالمرة
نورة بقهر: لا بتجيك اليوم اصبري ويتفجر راسك بعد
سكتت هتان وهي خايفه والجوري دايم تصيبها بسهومها ولا مرة قدرت عليها وصدت سهم واحد ونورة تفكر اذا جت الجوري بتاخذ بحقها ولا بتجحدها خلاص
...............................
بيت العم منير
كان واقف وساند نفسه بعصاه وسمع صوت الخلخال يقرب ويزيد وضحك بخفه وقفت الجوري قدام ابوها وهي تمد له كوب الموية زي كل يوم قبل كل صلاة
الجوري: سم يا يبه
ابتسم لها ابوها وبدأ يشرب خلص ومده لها
الجوري بدلع وهي توقف على اطراف اصابعها وتنزل وترجع تعيد الحرك: يبه ابوي الحبيب
ضحك لها ابوها بخفة وقال: خلاص تم من الحين بس وشهو؟
الجوري وهي تبوس راسه: ولا حاجه بس بروح اجيب الفستان من عند العمة سلامة
منير: بس تمام تبين اوصلك ولا تروحي لحالك
الجوري: لا ما ابي اتعبك
منير: طيب انا بروح الحق على الصلاة
الجوري: استودعتك الله يبه
وحركت تجهز الفطور وهي تفكر بنورة وبمتعب له كم يوم ماله صوت وقالت بنفسها وهي راجعة بتمر على علي البقالةاكيد خلا لها رسالة ما راح يسحب عليها كذا
.......................
بيت الجد قاسم بعد الصلاة
الكل كان متجمع على الفطور وقال الجد بصوت عالي: اي احد يشوف متعب يقوله يرجع البيت يهلي به
الكل يناظر بعض بصدمه من كلام الجد متعب له سنة برا البيت والجد ما حن شسالفة وطبعا ماحد تجرأ يسأل الا ابو لسان عبدالله
عبدالله: وليه يعني له سنة برا البيت الحين حن قلبك
عبدالرحمن رفع عينه لولده بمعنى اسكت
الجد قاسم تنهد: يعني كل احد يتمنى عياله يكونو عساكر وشغله زينه وشريفة وانا يومي طردته طرته علشانه كسر كلمتي فالمجلس قدام الرجال
عبدالله حط عينه فعين الريم وابتسم بمعنى يعني انا قوي وشخصية والريم خجلت ومسكت ضحكتها وناظرت يدها ورائد كان يتأمل عين نورة ويتخيل شكلها دون نقاب والجد حس على عبدالله والريم وعلى رائد
أنت تقرأ
بروحي ضميتك ليه صديت
Romanceيقول الشاعر: شَكوْتُ إلى الحَبيبةِ ما أُلاقي لِـسُوءِ الـحَظّ مِـنْ أَلـمِ الـبُعادِ فَـقالتْ إنّ حَـظّكَ مِثْلُ عَيْني فَـقُلْتُ نَـعَمْ وَلكنْ في السَّوادِ الكاتبة شين
