بروحي ضميتك ليه صديت

الشخصيات

هاذي روايتي الثانية اتمنى تنال اعجابكم ❤️.

الشخصيات:

عائلة الجد قاسم:

الجد قاسم صارم وقاسي واي شي يقوله يتنفذ بالحرف واي غلط يحصل يضرب مو بعصى لا بسوط ما يرحم لا كبير ولا صغير عمره 57

عنده مزرعة و ومحل سجاد كل احفاده مجبورين يشتغلون فيهم وهو وعياله بس يشرفون من فترة لفترة و بيته كبير مقسمه على ثلاثه اقسام قسم له ولبنته والثاني لولده عبدالرحمن وعياله والثالث لولده خالد واهله وعياله ومطبخ ومجلس يجمع الكل

عياله:

ولد الجد قاسم الاول:

عبدالرحمن حنون على عياله ويخاف عليهم من ابوه عمره 45

زوجته متوفيه بمرض القلب.

طبعا عبدالرحمن عنده ولدين وبنت :

عبدالعزيز عمره 24 انسان عاقل وهادي  وماله بالمشكال واي حد من اخوانه وعيال عمه يغلط باشغال الجد هو اللي يستلم الضرب.

عبدالله عمره 20 يالله ما يسكت عن حقه وكل يوم عبدالعزيز ينضرب لان عبدالله يدافع عن نفسه قدام الجد ويقول مابي ومو غصب ومجنن الكل معه بغبائه وكل شي الا اخته يا ويله اللي يقرب منها.

اختهم الحنونة نورة عمرها 18 تحب اخوانها وتراعي الكل وحنونة وطيبة ودايم الجد يصارخ عليها لانها ضعيفة شخصية وبنات عمها خالد يمشكلوها ومرات الجد يضربها بس ما يمسها السوط وعبدالعزيز موجود وما تنظلم دام عبدالله ابو لسان فيه.

.......................

ولد الجد الثاني 

خالد عمره 43 طماااع وظالم ويعرف يقنع ابوه بالاشياء الليي يبيها واهم شي الاشياء يللي تدخل عليه ذهب

زوجتة مرزوقه عمرها 42 نسخة من زوجها وطاغية كلامها سم وعندهم ولد وثلاث بنات

ولدهم رائد عمره 20 دايم مع عبدالله بس مو زيه عاقل و محترم وهادي ودوم خلجلان من حركات خواته  مع نورة وما يقدر يسوي شي غير انه يشهد للجد ضد خواته بس مو كل مرة طبعا لانه بيموت على يد  ابوه والضرب اللي يجيه كل مرة وقف مع الحق.

هتان بنتها الكبيرة عمرها 25 شرااانيه ومشاكل حية من تحت التبن وش اقولكم عن مصايبها والمشكلة انها ما تطلع عقليتها ومشاكلها الا على نورة المسكينة وخواتها يساعدوها ما يقولو لا وهي لولد عمها عبدالعزيز من هم وصغار.

مريم وريم توأم عمرهم 18 مريم شرانية و داهية زود عن هتان بس ريم مسكينة كل ما قالت لا قصو عليها خواتها بكم كلمة بس يأنبها ضميرها وتروح تعلم رائد باللي صار بس مافيها الشجاعة اللي توقفها قدام جدها وتقوله الحقيقة تخاف لا يقلبو خواتها عليها واذا قلبو عليها من يفكها شرهم هاذ وهو رائد اخوهم ما سلم هي بتسلم.

....................

بنت الجد الوحيدة

سلامة عمرها 41 سنة أرملة توفى زوجها ضحية ثآر وترملت عندها ولدين وبنت وتشتغل خياطة مو لانها محتاجة بس يعني تكسب وتستغل وقتها.

البطل متعب عمره 22 قوي شخصية ويشتغل عسكري وقف قدام الكل وصار عسكري بدق خشوم بس جده طبعا فرض قوته هنا وطرده من البيت بس متعب وش يوقفه دايم يجي بيت الجد غصب عن الكل يشوف اخوانه وامه ويلبي حاجتهم اللي عاجبه عاجبه واللي مو عاجبه بالطقاق

مصعب عمره 14 سنة ماخذ من غباء عبدالله كثير ودايم يتصفق من الجد بسبب المدرسة يا انه متهاوش مع احد او نازله درجاته وامه وعبدالعزيز يدافعو عنه.

الترف عمرها 4 سنوات صغيرة واخوانها مدلعينها فيعني هي بكايه شوي والجد لا انزعج منها يهووووب عادي يصفعها شايب عايب ويهاوش بعد

.......................

الاب منير صديق الجد قاسم الروح بالروح بس عكس بعض الجد منير حنوووووون وطيب وقد ربى بنته لحاله لان زوجته توفت وعمره 60 والدنيا خذت من عمره الكثير وصاحب محلات وفلوس وخير وكله يديره عبدالرحمن ولد الجد قاسم يأمن عليه كثير كأنه ولده

البطلة الجوري بنت منير عمرها 20 طيبين معاها؟ طيبه شينين معاها تصير اشين حقها ما ينسكت عنه تجيبه تجيبه ام لسانين وان شافت الحق بتقوله ومبديه الكل عليها وان حبت حبت بكل قلبها غير كذا ترا هي رقيقه و انيقة وكيوت وسنع وادب واخلاق بس مع اللي ترتاح لهم

....................

توقعاتكم

اعذروني على الاخطاء