مزرعة الجد قاسم
رائد بزهق: يا مصعب مو كذا مو كذا لا حول
مصعب: اجل؟
رائد: اقولك امسكها من جنحانها ارفعها وخذ البيض من تحتها واترك جنحانها شفيك انت
مصعب: ياخي مصعبينها ليه نحط لهم اكل ياكلو انا اخذ البيض و....
رائد قاطعه: اسكت اسكت انت من مورثك الغباء ذا
مصعب يضحك: عبدالله؟
رائد ضحك: اي عبدالله غبي بس مو لذا الدرجة ويعرف للمزرعة اكثر مني ومنك
مصعب : طيب شرايك اروح انا للخضروات وانت لدجاج؟
رائد: خلصت انا من زمان الحين ابعد انا بخلص من الدجاج عزتي لك رائد اخر عمرك تجمع بيض
مصعب: طيب الحين فايدي بيضة اكسرها على راسك
رائد: قسم بالله دمك ثقيييل ياخي اسكت
مصعب: طيب خففه شوراك
رائد: قسم بالله ما تنبلع شلون طلعت اخوه لمتعب هاه اقول طس من وجهي
صد مصعب بضحك صوب الخيمة ينظفها ورائد ضحك بشوق لمتعب وسوالفه وقام يجمع البيض ويضحك على نفسه
.....................
بيت الجد قاسم فتحت مرزوقه الباب للجوري والجوري شمقت لها ولا سلمت ولاشي وصدت تكمل طريقها للعمة سلامة دقت باب البيت
الجوري: عمة سلامة انا الجوري
العمة سلامة فتحت وهي تهلي وترحب بحب لهاذي الانسانة: اقلطي اقلطي ما فيه احد عادي خذي راحتك
ابتسمت الجوري وهي تشيل نقابها وقالت : كيفك يا عمة انشالله كويسة
العمة سلامة: كويسة يا بنتي وانتي كيفك
الجوري: حمدالله يا عمة
العمة سلامة قامت تبي تجيب الشاي والقهوة
الجوري بسرعه: لالا يعمة انا بس بعطيك كم قماش تخيطينهم وبروح لنورة اشتقت لها لا تتعبي نفسك
رجعت العمة سلامة وقعدت والجوري تطلع القماش وتشرح لها كيف تبيه وسلامة تسمع وتشرح لها وراحت جابت المقياس وقاست لها وطلعت الجوري القطعة الاخيرة وهي حقت الفستان
الجوري : وعاد ذي يا عمة ابيها حق عرس خديجوه ابيه يكون ماسك على جسمي ويكون لتحت ركبتي ما ابيه قصير وابي فيه اكمام وفتحه صغيرونة من ورا علشان اقدر اخذ راحتي بالمشي طيب
العمة سلامة: طيب يا بنتي طيب بس الفستان بحاول اخلصه لك هاليومين والملابس الباقيه الاسبوع الجاي تعالي خذيهم طيب
الجوري وهي تشيل نقابها بتلبسة: طيب ياعمة انا بروح لنورة الحين استودعتك الله
العمة سلامة: بحفظ الله يا بنتي
أنت تقرأ
بروحي ضميتك ليه صديت
Romanceيقول الشاعر: شَكوْتُ إلى الحَبيبةِ ما أُلاقي لِـسُوءِ الـحَظّ مِـنْ أَلـمِ الـبُعادِ فَـقالتْ إنّ حَـظّكَ مِثْلُ عَيْني فَـقُلْتُ نَـعَمْ وَلكنْ في السَّوادِ الكاتبة شين
