"បើកបេះដូងមួយនេះសម្រាប់បងបានទេ!" នាយសង្ហា ឈោងទៅចាប់ដៃតូចមកផ្អឹបនឹងទ្រូងហាប់ណែន ពោលយ៉ាងស្រទន់ ដ្បិតអារម្មណ៍ដែលស្រលាញ់ហាក់ជ្រាលជ្រៅកប់ដល់បាតមហាសមុទ្រទៅហើយ នាយចង់អោប ចង់ថ្នាក់ថ្នម ចង់ក្បែរ ចង់ការពារ ក្មេងម្នាក់នេះពេញមួយជីវិត។
"......" ជីមីនបើកភ្នែកភ្លឹះៗមិនព្រមឆ្លើយនឹងសំណួរ អស់មួយសន្ទុះក៏ធ្វើឱ្យយ៉ុនហ្គីដឹងច្បាស់ពីចម្លើយ ដែលរាងតូចមានអោយខ្លួន ទើបរហ័សព្យាយាមបង្វែរសាច់រឿងអោយប្រែក្លាយមកជាធម្មតាវិញ÷
" ពួកយើងទៅវិញទៅ " នាយក្រាស់ហារចប់ រួចក៏បម្រុងនឹងដើរចេញទៅ ព្រោះតែបេះដូងនាយនៅពេលនេះវាបានខ្ទិចខ្ទាំ រកពាក្យអ្វីថ្លែងពុំចេញឡើយ។
"......"
" ខ្ញុំ... ខ្ញុំស្រលាញ់លោក.. " រាងតូចបិតភ្នែកដៃក្ដាប់ជាយអាវខ្លួនឯងជាប់
មុននឹងបំលឺសម្លេងខ្លាំងៗ ល្មមអាចលឺដល់ត្រចៀកអ្នកម្ខាងទៀតដែលបម្រុងនឹងចាកចេញទៅមុននេះ អោយបង្អាក់ដំណើរមកវិញភ្លាមៗ÷
" អូន....អូននិយាយពិតទេ? " រាងមាំបកក្រោយស្ទុះចូលមករកប្រាណតូចទាំងរំភើបញាប់ញ័រជាខ្លាំង បេះដូងសឹងតែលោតផ្ទុះចេញមកខាងក្រៅទៅហើយ។
" អុឹម " គេងក់ក្បាលបញ្ចាក់ថាប្រាកដណាស់។យ៉ុនហ្គីហាក់ធ្វើខ្លួនមិនត្រូវ ក៏ហក់មកអោបរាងកាយតូចជាប់ផ្អឹបនឹងទ្រូង ដំណក់ទឹកថ្លាជ្រាបតាមកន្ទុយភ្នែកតិចៗព្រោះតែមិននឹកស្មានថាមានថ្ងៃនេះឡើយ។
" អរគុណ! អរគុណណាស់!! អរគុណដែលអូនឈប់ស្អប់ខ្ពើមបង " រាងក្រាស់បំលឺសម្លេងញ័រៗ ជីមីនក៏ញញឹមឡើង ទទួលយក ហេតុអ្វីត្រូវបំផ្លាញ់បេះដូងមនុស្សម្នាក់ដោយសារតែអតីតកាលមួយនោះ ហេតុអ្វីត្រូវស្អប់គេទាំងដែលគេក៏មិនបានធ្វើអ្វីខុសសោះ។
" សុំទោស..." រាងតូចស្រដីស្រាលៗ ហាកទទួលដឹងថាអ្នកម្ខាងទៀតលួចសម្រក់ទឹកភ្នែកព្រោះតែពាក្យស្រលាញ់របស់គេ។ គេមិនគួរណា យកកំហឹងមកបាំងមុខអស់រយ:ពេលដប់ឆ្នាំមកនេះនោះទេ ។
ម្ដាយគេស្លាប់ព្រោះឧប្បត្តិហេតុគ្រោះថ្នាក់ចរាចរណ៍ កំឡុងពេលធ្វើដំណើរទៅកម្មវិធីខួបកំណើតរបស់កូនប្រុសច្បងត្រកូលមីន គឺ មីនយ៉ុនហ្គី។ ជីមីនក៏បាននៅក្នុងហេតុការណ៍នោះដែរទើបធ្វើអោយគេជាប់ដិតដាមអារម្មណ៍ភ័យខ្លាច វិបត្តិផ្លូវចិត្តរហូតមកដល់សព្វថ្ងៃ ពេលនោះថែមទាំងមិនបានគិតវែងឆ្ងាយឡើយ ដឹងត្រឹមតែបន្ទោសមកពីយ៉ុនហ្គីតែម្នាក់គត់ បើម៉ាក់គេមិនមកកម្មវិធីនេះទេ គាត់ក៏មិនត្រូវស្លាប់ឡើយ គេស្អប់ ស្អប់ថ្ងៃកំណើតរបស់យ៉ុនហ្គី។
YOU ARE READING
បង្ខាំងចិត្ដស្នេហ៍ បង្ខំចិត្តស្អប់♡︎🔥
Historia Cortaផាក ជីមីន ក្មេងប្រុសក្រអឺតក្រទម ក្បាលរឹង និយាយមិនស្ដាប់ មីន យ៉ុនហ្គី អាថ៌កំបាំង អំណាចហើយក៏ទន់ភ្លន់ តែសម្រាប់ ផាកជីមីន ម្នាក់ប៉ុណ្ណោះ💜🌸 [Yoonmin] សរសេរដោយ ចន លីអូ។
