طفره

٢-خطبه ولكن

شعر وكأن هناك دلو من الماء البارد سكب على رأسه ما الذى يهذون به رفع رأسه ليطالع والدته التى كانت تجلس امامه ليجدها تبتسم له بسمه صغيره  وكأنها تترجاه الايفتعل مشكله حاول البقاء هادئ وهو يشعر بيد اخاه تربت على قدمه وصوته الهامس "بالله عليك اعمل اللى انت عاوزه بعد ما نطلع بس متحرقش دم ابوك قدام الناس ميصحش"

تمالك نفسه قليلا حسنا يضعونه امام الامر الواقع الان فهم ما كان يرمى والده اليه هى لا تقوم بلوى ذراعه هى تكسره ،بسمه صغيره تشكلت على  وجهه قبل ان يرفع عينيه ليبتسم لوالدها وكأنه يؤكد على ما يقوله والده وقد بدأ فى سؤاله عما يعمل واين وقليلا عن حياته

بينما كانت هى تجلس بهدوء على المقعد لا تعير اى مما يحدث اى اهتمام فى الحقيقه غير انها تطلعت الى وجهه فى البدايه وهو مصدوم وبعدها محاولته لجعل نفسه يبدو طبيعيا لم تتمكن من عدم الضحك ولكنها سرعان ما وأدتها وهى تستمع احديث والدها وبعد فتره طلبت والدته ان يجلسوا سويا بالشرفه  قليلا وقد وافق والدها نظرا لان الشرفه فى مقابل الغرفه الذى يجلسون بها .

نهض وهو ينظر لأخيه وكأنه يعلمه ان الامر لن يمر على خير سبقته وهى تذهب الى الداخل ليتبعها بعدما سحب كرسيا ليجلس امامها لاحظ كونها تحاول الا تبتسم رجح انها ستكون لاجل الخطبه ولكنها انتبهت لكونه ينظر بسخريه قليلا .

"مفيش مناسبه سعيده اوى على فكره"

"انا بضحك على شكلك برا لما باباك اتكلم شكلك كان عامل زى الكتكوت المبلول "

"نعم "اعتدل يرمقها بحده لتجيبه هى بعدم اهتمام بينما القت نظره خاطفه على الخارج لتجد انه لا احد ينظر اليهم .

"كتكوت مبلول انت سمعت"

"ما تحترمى نفسك "

"اهدى انت على نفسك "

"بصى انا  معتقدتش انى هعمل حركه زى دى ومش قصدى احرجك بجد بس من الاخر اتدبست انا جاى على اساس هيخطبوا لاخويا "

"مانا عارفه"

"نعم عارفه ايه "

"بص من الاخر انا اللى بعمل ديكور المسرحيه اللى اخوك شغال فيها وصاحبت الاء دا حوار هنعمله على اهلك لحد ما يتخطبوا وانا هرتاح من الزن بتاع ماما ليه مبوافقش هنتقابل دلوقتى ومره واحنا بنجيب الشبكه ومره يوم الخطوبه وغير كدا فاكس لحد مالشهرين يخلصوا ونفركش"

كان يطالعها بذهول مالذى تهذى به "انا مش فاهم امى عارفه الحوار دا "

"لا طبعا انا معرفش انت مش عاوز تتجوز ليه ومش مشكلتى انا صحابى طلبوا منى خدمه وانا بعلمها عشان هما صحابى بس "

"اسامه والاء "

"ايوه "
" هنطلع دلوقتى تقول تمام وموافقين نتخطب وخلصنا واهو اخوك الغلبان يتجوز وانت تقولهم دى نوتى وكسرت قلبى وتكمل عقدتك فالحياه براحتك "