كانت قد ذهبت الى غرفتها فور عودتها من الخارج ولكنها وجدت والدتها تناديها من الخارج لذا ذهبت اليها .
اخوكى لسه مرجعش وابوكى لو جه هيتخانق معاه "
"الوقت مش متأخر اوى يماما هتلاقيه راح هنا ولا هنا مع اصحابه وكريم مش عيل يعنى"
"انت عارفه....." قاطع حديثهم قدومه من الخارج .
"اتأخرت ليه يازفت انت "
"مفيش يماما معلش "
"مالك يواد عينيك عامله كدا ليه " هنا فقط انتبهت على كون عينيه حمراء للغايه لا يستطيع الوقوف بشكل ثابت .
"مفيش يماما مطبق ومنمتش هدخل انام محدش يصحينى "
"مش هتاكل معانا طيب ابوك زمانه جاى "
"لا مش عاوز، كلت برا " لم يمهلها الفرصه لقول شئ اخر ودلف الى غرفته بينما عادت انها الى المطبخ ذهبت خلفه لتجده متسطح على فراشه .
حاولت كبت غضبها منه الان ذهبت الى المطبخ لاحضار كوب من اللبن تحت تعجب والدتها لا تحبه على كل حال .
"كريم اصحى "
"عاوز انام يا أيه لما اصحى "
"لا انت هتقوم تقعد دلوقتى تكلمنى انت كنت مع مين "
"يعنى ايه كنت مع مين هو تحقيق " اعتدل فى جلسته بينما يصرخ بها ماذا يظنونه طفل صغير .
"اشرب دى كدا عشان نعرف نتكلم "
طالع الكوب بسخريه "مش عاوزانى اقوم اغسل سنانى ورجلى بالمره "
"كريم اشرب عشان تفوق من الزفت اللى شربته عشان نعرف نتكلم مش هتنام غير لما تقولى ضربت ايه بالظبط "
"ايه خايفه بابا يجى ويشوفنى وانا كدا متخافيش مش هيشوفنى غير الصبح ومش هيعرف حاجه خلاص "
"تفتكر ان بابا يشوفك دا اللى فارق معايا دلوقتى "
"اومال ايه ها ايه "
"انت عارف كويس اوى ان محدش فرقلى فالدنيا دى قدك اتعدل كدا انا مليش غيرك يابنى "
طالعها بعيون دامعه سرعان ما بكى "انا مش عاوز اعيش هنا وتعبت هو مش شايف غير انى وحش مع انى معملتش حاجه فأبقى وحش بجد بقا "
زفرت بضيق نهضت لتأخذه فى عناق دافئ ليتحدث الان لا يجب ان تلومه فى هذه اللحظه لتستمع له وحسب بقى يبكى قليلا وهو يقص عليها ما يزعجه
"انا مش عيل ومش بعمل حاجه واحده غلط ولا وحشه والله بس هو شايفنى هبقى فاشل ليه معرفش قوليلى انت هو كان عاوز منى ايه ومعملتوش دخلت هندسه عشان هو كان عاوز ومبشربش سجاير ومبسهرش بليل مبقعدش مع صحابى حتى العيال بتقعد تتريق وبكبر دماغى هو ليه شايفنى وحش اوى كدا "
"انت مش وحش ياكريم انت احسن ابن واخ فالدنيا والله حقك عليا انا "
"انت كمان متستاهليش المعامله دى بطل يضربنا عشان كبرنا بس بقا بيقول كلام زى الزفت هنعمل ايه تانى انا معرفش هو عاوز مننا ايه معملناهوش "
أنت تقرأ
طفره
Randomللحصول على ما نريد عده اوجه هل نحن مخيرون فى هذه الحياه ام نسير وفق خط واحد لا يمكن لك ان تجزم ولكن لن تسير حياتك مثلما تخطط لها مهما كانت حساباتك دقيقه .
