𝑶𝑵𝑬 𝑺𝑰𝑫𝑬𝑫 𝑳𝑶𝑽𝑬⚠︎

7🍂

တစ်ကိုယ်လုံးနာကျင်ကိုက်ခဲမှုနဲ့အတူနိုးထလာသည့်မနက်ခင်း....မျက်လုံးကိုဖြေးဖြေးချင်းဖွင့်လိုက်တော့ အမြင်အာရုံဟာမှုံဝါးဝါးဖြင့်သာ...ခပ်ရေးရေးမြင်ရသည့်အနေအထားဖြင့် ဘေးဘက်သို့စောင်းကြည့်လိုက်မိတော့ သူ့လက်ကိုသွယ်ထားသည့်ဆေးပိုက်ပေါင်းများစွာနှင့်....

"Fourth နိုးလာပြီလား ခနလေး ငါဆရာဝန်ခေါ်လိုက်မယ်"

သူ့ကိုပြောရင်းထသွားသောGemကျောပြင်အားကြည့်ရင်း ထိုလူဆုပ်ကိုင်ထားခဲ့ပုံရသည့်သူ၏လက်ကလေးအားကြည့်မိသည်...

*ဒီလောက်နူးညံ့နေတာ..ငါသိတဲ့Gemရောဟုတ်ရဲ့လား*

"Nong fourth ဘယ်လိုနေသေးလည်း အသက်ရှူရတာအခက်အခဲရှိလား သက်သာလား.."

သူခေါင်းငြိမ့်ပြလိုက်သည်...အခုသူစကားပြောချင်ရင်လည်းပြောလို့မှမရဘဲ သူစကားမပြောနိုင်တော့ဘူးလေ...

"လည်ချောင်းကော နာနေသေးလား p' နှလုံးခုန်သံလေးစမ်းသပ်ကြည့်မယ်နော်"

ထပ်မံခေါင်းငြိမ့်ပြလိုက်ရင်း P'Mix ဘေးတွင်ရပ်နေသော သူသိပ်ချစ်ရသည့်Gemအားလှမ်းကြည့်မိသည်...သူ့ကိုစိုက်ကြည့်နေသည့်မျက်လုံးများဟာအရင်ကနှင့်မတူ နူးညံ့ကြင်နာစွာဖြင့်ကြည့်သည့်အကြည့်လေးကိုသူခံစားမိသည်...ထိုလူတော်တော်ဝမ်းနည်းနေမှန်း လက်နှစ်ဖက်ယှက်ကာကျစ်နေအောင်ဆုပ်ထားသည့်လက်လေးဟာသက်သေပင်....မျက်ဝန်းထဲတွင်လည်း မျက်ရည်စလေးတွေဟာကျလုစဲစဲ.....

*သူဘယ်လောက်တောင်ဝမ်းနည်းနေလိမ့်မလဲ~*

"ကဲ အားလုံးကတော့ပုံမှန်ဘဲ ခနကြာရင် Nong ကို ရိုးရိုးခန်းထဲရွေ့ပေးမယ်နော် တစ်ခုခုဖြစ်တာရှိရင် Gemကိုပြောပြလိုက်နော် သူကအခု Nongရဲ့လူနာစောင့်လုပ်ပေးမှာ"

အထွေထွေကုဆရာဝန်တစ်ဖြစ်အကိုလိုခင်ရသော P'Mix အား‌ပြုံးပြလိုက်ရင်းခေါင်းငြိမ့်ပြလိုက်သည်... P'Mix ဟာလည်းသူ့ကိုပြန်လည်ပြုံးပြကာ ညီဖြစ်သူGem၏ပုခုံးအားပုတ်လျက်ထွက်သွားခဲ့သည်...အကိုထွက်သွားသည်နှင့်တစ်ပြိုင်နက် သူ့ဘေးနားသို့ဝင်ထိုင်ကာ သူ့လက်လေးအားဆုပ်ကိုင်လျက်...