روايهِ : لقيتُ بك من بيّن الأرواح روحيِ .

لقيتُ بك من بيّن الأرواح روحيِ 9 .

بارتِ 43 :
_
وَسوّاك في الُحِسن مَلك
َمن جَملك؟
وصبّ بك هذا الَدلال !
_
لف فهد وقال وهو يضحك ؛ تو الناس على الحمار الاول ، والحمار الثاني ، خلنا نخلص من مشعل وزيّاد ، بعدها نلف لهم .
ضحك نادر وقال ؛ لا الله يا سلم لي ياكم ، خلوني اكون نفسي بعدها ، يصير خير .
هز رأسه فارس بتايد ؛ اضم رأيي له .
ضحك باسل وقال ؛ من الصدمه ، ماعرف يتكلم غير بكلمتين .
ضحك سلطان وقال ؛ الله يتمم لهم على خير يارب ، ونشوفكم كلكم حولنا انتو وعيالكم .
تمتمو كلهم بامين يارب .
_
عند ريمّان ، هي من اول مادخل عليهم زيّاد وهي صابها هبوط ، وانجلطت اول ماتكلم ومن جراه مشعل معه ، خرجو هم ، وهي طلعت ركض لفوق ، دخلت وهي وجهها متورد خجل ، ضحكت وردّ وقالت ؛ أهلاً أهلاً ، بزوجه اخوي ، وش فيك حمراء !
ضحكت سهى وقالت ؛ وش سوا فيك مشعل ، عشان تجين لنا وانتي وجهك نفس لون فستانك .
هزت راسها لدُنى بخبث قالت ؛ والله شكله فجرها مشعل مايوفر اخوك يا وردّ .
ضربتها وهي تقول ؛ بس انتي وياها ، انا بموت من توتري وانتو تضحكون ، حرام عليكم ارحمني شوي .
هزت راسها بالايجاب لدُن قالت ؛ ابشري نرحمك بس علمينا وش صار !
هزت راسها بأسى منهم وهي تعرفهم ما راح يتركونها إلي لمن يعرفون وش صار ، تنهدت وهي تقول لهم وش صار معها .
_
ضحكت وردّ وقالت ؛ والله وطلع اخوي طايح على وجهه ، يحلوه اخوي رمانسي .
هزت راسها لدُن قالت ؛ ولا وابن 12 سنه ، يويلي شكل قصه حبكم بتصير حلوه ، احلى من الطعس فارس ودُنى .
لفت لها لدُنى وهي تقول ؛ خير ، وبعدين وش زينها قصه حبنا كيوت .
هزت راسها سمر وقالت ؛ أي كيوت ياشيخة ، لحنا عانينا معك ، ويالله يالله طلعت منك وقلتي له ، لو منك كانك للحين وانتي تندبين حظك .
ناظرتها بطرف عين وقالت ؛ انكتميِ ، لو مانتي اخت فروسي لا اتوطى في بطنك .
قامت سهى وهي تقول ؛ قومو خلونا نولع الجو ، ونفرح بمسمى الحب الي من عمر 12 سنه .
ناظرتها دُنى وهي تمثل الحزن ؛ ولحنا ليش مافي احد أحتفل بحبنا ، لنا الله بس .
وقفتها وردّ وقالت ؛ نحتفل بجميع المحبين اليوم .
غمزت لها وهي تقول بهمس ؛ وحبك نحتفل به ، ولا باقي تنكرين حبك الواضح من عيونك !
ناظرتها وهي تبتسم وقالت ؛ يمكن اي ويمكن لا .
لفت لسمر وهي تقول ؛ سمر شغل لنا خلينا نخرج الطاقه السلبية اليوم .
قامت سمر تشبك جوالها وهي تقول ؛ ابشري يعيني .
ويغنون ويرقصون ويضحكون مع بعض ، وكملت ليلتهم بضحك وسوالف ، ورقص سوا عند البنات او الشباب ، والحريم والرجال ، قاعدو في بيت الشعر سالفه تروح وسالفه تجي ، والقهوة والشاي ، والحلى قدامهم ، وبعدها كلنا سرا بيته ينام لان بكره بدايه ترم جديد ، وبدايه الدوامات ، والكرف ، والتعب ، والارهاق .

_
بارتِ 44 :
_
وديِ اناظر في عيونك ثواني !
والصمت شاهد بين شوقك وبيني !.
_
<اول يوم دوامات في بيت فيصل>
نزلت وهي تركض بسرعه ، لولا الله ويد مشعل ، كان طاحت ، باسته على خده بسرعه كاشكر ، وهي توقف على طاولة الاكل ، تشرب العصير وتأخذ لها حبه زيتون ، كلهم يطالعون لها بصدمه وش فيها كذا مستعجله ، تكلم فيصل باستغراب ؛ بشويش ، الاكل مب طاير !
هزت راسها وهي تشرب العصير ؛ اي مب طاير ، بس انا الي باطير لو تاخرت دقيقه !
جلس مشعل وهو يقول بضحكه ؛ وين بتطيرنِ ؛ خذيني معك !
لفت له تناظره بطرف عين ؛ يمدحون الي يطيرونهم المسؤولين عنهم ، تجي معي !
هز رأسه بضحك وقال ؛ اجل كذا ؛ لا الله يسلمك طيري لحالك !
ضحك فيصل ؛ معليكِ منه ، وانتبهي مع الطريق .
باست رأسه وبعدها لفت لمشعل وهي ترسل له بوسه مع الهواء وتخرج بسرعه لانها تاخرت ، والمسؤول عنها ، زي ماتقول مستقعد لها ، ومستبد ، ونفسيه ، وكل صفه سيئة تحطها فيه .
_
تكلم بهدوء ؛ ليش ما علمتها عن خطبتها من زيّاد !.
هز رأسه وهو يشرب قهوته ؛ مب وقته ، اذا رجعت علمتها ، انت شفتها كيف مستعجله .
هز رأسه وهو يوقف ؛ الي تشوفه ، عاد انا استاذنك ، سلام .
تمتم بهدوء ؛ بحفظه .
_
<بين سلطان>
كلهم قاعدين يفطرون"ماعاد نادر" ، عشان كل واحد يخرج لدوامه ، لف سلطان بهدوء ؛ دنُى ابوي ، بتروحين مع مين !
لفت لابوها بابتسامة ؛ يعيون دنُى ، بتمر علي وردّ .
هز رأسه بزين ، وبعدها لف للدُن وهو يشوفها معصبه ومتنرفزه ، قال بابتسامه ؛ وش فيها السكر المعقود ، زعلانه .
لفت لابوها بابتسامة وهي تقول ؛ مافيني شي ياجميل انته ، بس اذا طلبتك توافق !
ضحكت امها وقالت ؛ الي في بالي بالكِ ، لا .
ميلت فمها بزعل وهي تقول ؛ يماما انا اكلم بابا ، انتي خالصين منك خليني اشوف بابا !.
وسعت عيونها وهي تقول ؛ بنت انا امك شلون تكلمني كذا !
ابتسمت بعبط وهي تقول ؛ من حبي لكِ اكلمك زي سمر .
هزت راسها بأسى منها وهي تكمل اكلها ، بعدها لفت لبوها وهي تمكل ؛ وش قلت يابابا !
هز رأسه بزين ؛ اطلبي وانا اقول لك تم .
قامت وهي تنط وتضحك وقالت ؛ اقدر اسحب يومين !
ميل شفايفه وقال ؛ تونا قلنا بسم الله ، ليش بتسحبين !
جلست وهي تقول ؛ اي اول أسبوع مافي شي مهم ، وبعدين سمر بتسحب !
ضحكت دُنى وقالت ؛ اووه الشغله فيها سمر بتسحب ، وانتي مابتقدرين تتحملين بدونها !
هزت راسها بالايجاب ؛ اكيد توام روحي ماقدر بدونها .
هز رأسه وقال ؛ بس يومين ، مايكفونك خذي أسبوع .
وقفت بذهول وقالت ؛ انت سلطان ؟
ضحك وقال ؛ ترا اسحب كلامي !
هزت راسها وهي تمشي تبوس خده وجلست جنبه وهي تسمع امها تقول ؛ لا والله أنت وياها ، مستقبلها يا سلطان مايصير كذا !
هز رأسه وقال ؛ أسبوع مايضر ، وتونا بالبدايه .