روايهِ : لقيتُ بك من بيّن الأرواح روحيِ .

لقيتُ بك من بيّن الأرواح روحيِ 10 .

بارتِ 49 :
_
لو يطلب عيوني قلت العمى خيرة .
_
رفع نظره سليمان من سكوت فيصل وقال ؛ عسى ماشر يافيصل ، وش قالت وردّ !
توتر مشعل من سكوت ابوه ، هو قال يكلمها ثاني بس وش فيه الحين ساكت ومنزل رأسه يبين لهم انها رفضت ، بس برد قلبه وقلوبهم كلهم لمن تكلم وهو يبتسم ؛ ماشر ماشر ياطويل العمر ، باقي ما كلمتها لانها طلعت اليوم مستعجله ولا قدرت اكلمها ، أن شاء الله ، بكره اقول لها ، والله يكتب الي فيه الخير .
هز رأسه سليمان وهو يلف نظره لزيّاد الصامت ؛ وش قولك نخلي ملكتك مع ملكه ولد عمك !
ناظره بهدوء وقال ؛ الي تشوفه مناسب سوه ياطويل العمر .
هز رأسه وقال ؛ اجل خلاص كلم بنتك يا فيصل وانا وافقت ، ملكتهم مع ملكت مشعل وريمّان .
هزو رواسهم بالايجاب وقال سلطان ؛ والزواج متى يامشعل حددتوه ولا باقي !
هز رأسه وقال ؛ تو الناس ، نسوي الملكه وبعدها نفكر بموعد الزواج .
_
<عند البنات>
دخلت سهى وهي تقول ؛ وأخيراً في وحده بتودع العزوبيه .
ضحكت دُنى وقالت ؛ الله واعلم الدور الجاي لمين يمكن انتي ونفتك من حنتك انتي وكتبك !
افجرت لدُن تضحك وقالت ؛ اووح توجع ، تسبك وتسب ارواحك الي مزعجتنا فيها .
ناظرتهم بطرف عين وقالت ؛ خير شعندهم بنات سلطان شايشات علي ، وبعدين اغلطي بكل شي الا كتبي بليز لا تقربينهم .
هزت راسها بأسى منهم وهي تمشي وتجلس جنب ريمّان وهي تبوسه على خدها وقالت ؛ يازين حّرم اخوي زيناه ، معليك من ذولا السبايك ، وبعدين وش فيك ترجفين !
ابتسمت بخفيف وخجل وقالت ؛ يحلوك ياوردّ ، احس اني متوتره ليش مادري .
انفجرو يضحكون وقالت سمر ؛ معليك يحبيبي توك ، والله بتعيشين معنى التوتر وقت الملكه عن حق وحقيق !
ناظرتهم وقالت ؛ ابلعو هواء أنتي وياه .
ضحكت وردّ وقالت ؛ يازين حّرم اخوي ، حتى شتم ماتعرف تشتم وتشتم بأدب .
هزت دُنى راسها بملل وهي تقول ؛ تراك غثيتينا ، حّرم اخوي وحّرم اخوي ، تقول ماحد تزوج الا أخوها !
ضحكت سهى من نظرات وردّ لها وقالت ؛ خليها حرام ماعندها الا ذا الاخو ، تبغا تستانس بزواجه .
جلست لدُن وسمر على الارض وقالت لدُن ؛ اتركو مشعل وريمّان وملكتهم وتعالو نلعب أونو !
وفعلاً جلسو يلعبون ويسولفون ويضحكون ، وياكلون ويشربون، ويشوفون فيلم ، لين غلبهم النوم ، ونامو بامكنهم ماحسو بأنفسهم ابداً ، لدُن نايمه على رجل سمر ، وسهى على الكنبه وكتابها فوقها ، وريمّان وردّ عند الشاشه كانو يشاهدون فلم ونامو في نصه ، ودُنى على الكنبه الثانيه نايمه .
دخلت عليهم سهام وهي تبغا تقول لهم بنمشي لاكن ابتسمت اول ماشافت اشكالهم وخرجت وخلتهم ينامون .
سألتها هند ؛ وين البنات ليش ماخرجو !
تكلمت وهي تلبس نقابه ؛ نايمين وخليتهم .

_
بارتِ 50 :
_
هاتي كل الحب هاتي الشوق كله
هاتي كل العمر انواره وظله !
_
<الصباح بيت سليمان>
صحت وهي ما تحس برجلها ، رفعت راسها وهي تشوف سمر نايمه عليها ، ضربتها على فخذها وفزت سمر بقوه وهي تقول ؛ يمه ميين مات !
ناظرتها بغيض وهي تقول ؛ قومي جعلكِ ماني بقايله ، خلصت الاماكن ونايمه على رجلي ، كسرتيها براسك .
جلست تلم شعرها وبعدها لفت للبنات ماهي إلا ثواني الا انفجرت تضحك من أشكالهم ، ريمّان نايمه وهي ماسكه يد وردّ ، وردّ يدها بوجهه ريمّان ، ودُنى نايمه على الكنبه رجل بالأرض ورجل على الكنبه ، وسهى حاضنه كتابها ، ناظرت لدُن وهي تقول ؛ أمانه صوريهم خليني امسكها عليهم لسنه قدام .
ضحكت لدُن بخبث ؛ ونخليهم ينفذون كل شي نطلبه ، ولا نهدد بنشر على قروب العائله !
هزت راسها بالايجاب وقامت تصورهم بوضعيات مختلفه بس كل وضعيه اسوى من الثانيه ، بعدها لفت لدُن وقالت ؛ اصبري خليني اصحيهم وانتي صوري أشكالهم !
هزت راسها وقالت ؛ شلون بتصحيهم !
ناظرتها وهي تضحك بخبث وراحت للحمام"يكرم القارئ" ، وجابت سطّل موياء ، وهي تاشر لها تبدأ تصور ، رشت اول على ريمّان وردّ ، الي فزو وهم يصقعون ببعض ، وبعدها لدُنى الي طاحت من الكنبه ، وآخر شي لسهى ، الي فزت وهي تصرخ ، انفجرو يضحكون عليهم وعلى أشكالهم ، ناظرتهم وردّ بعصبيه وهي تقول ؛ ضحكتي بلا سنون انتي وياها ، وش ذي حركات البزران !
قامت سهى وهي تقول ؛ كتابي راح تغرق مويا كله بسببكم ، هيّن أنتي وياها !
قامت دُنى للحمام"يكرم القارئ" ، بدون ولا تكلم ابد ، لفت ريمّان لهم وهي تقول بحده ؛ عجبك انتي وياها ، خرعتو البنت ، وانتو تعرفون ان دُنى اكره ماعندها احد يصحيها كذا !
ميلت فمها سمر وقالت ؛ يييوه ، والله أنكم نفسيات خلاص اسفين وحقكم علينا .
هزت راسها لدُن وهي تقول ؛ مب وجيه احد يسوي فيكم مقالب ، على طول تزعلون يا دلوعات .
خرجت دُنى وهي تقول ؛ سوي مقالب بس مب بذي الطريقه ، خافي الله يمسلمه شلعتي قلوبنا .
ابتسمت لدُن بخفيفه وهي تروح لها وتضمها وقالت ؛ افا ، وش مزعل بنت سلطان ، اسفه والله نسيت انك تنفجعين اذا احد صحاك بذي الطريقه .
ضحكت سمر وهي تتقدم لهم ؛ أي والله حقك علينا ، واستري موجهتي .
انفجرو ضحك عليها وقالت سهى وهي تضرب ايدها ببعض ؛ الله بخلف على عقل اختي ، مادري متى بتتعلم ترتب حكيها .
هزت راسها ريمّان وهي توقف ؛ مافي أمل لا تحاولين ذي عقلها مادري كيف يقلب الكلام فيه !.
ناظرتهم بطرف عينه ؛ ضفي وجهك أنتي وياها ، لا اغسل شراعكم اليوم .
ضحكت وردّ وقالت ؛ يالله ننزلِ ، اكيد جدي وجدتي صاحين !