طلعنا
الطريق جان طويل بس طيبه لأنو جو طيب لولو نامت بحضني وصلنا وجانت قريه بس شون قريه حرفيا تجنن عبالك قريات يلي بتركيا نصدمت بجمالها وابوي ما خبر يسأل على المكان معقوله يندل
ابوي: كعدي لولو مضل شي نصل
_تمام
كعدت لولو عدلت هدومها ووصلنا جان بيت جبيررر وبساتين يمهم دكينا الباب استقبلتنا الحجيه اني تايهه بجمال البيت وفتنا بل بدايه حديقتين صغار وحده جايه على جهه اليسار وحده على جهه اليمين وبنص حوش نفوت بي للبيت اول مفتنا جان الكل منجمع بل استقبال بس مكو احد صغير الكل كبار صاحت الحجيه ميسس اجت ميس
_بنيتي دليهم على غرفتهم جايين من طريق طويل وهم تعبانين بس من حجت قصدت اني ولولو
طلعنا وجانت غرفه نضيفه كلشش
ميس: هاي الغرفه ارتاحو واذا احتاجيتي شي اني جوا
_تمام
طلعت بدلت ال لولو ملابس ترتاح بيهم ونومتها نزلت جوه عرفت صعدونا حتا منسمع حجيهم تقصدت انزل جوا واكعد يمهم فتت لل استقبال ولد يوزع جاي
كعدت عبر الدور وصل ليه
_ما اشرب
حجا الولد وكال: ليش اشربي
رديت ميعجبني
حجت الحجيه وكالت طالعه عليه استغربت اخذ الصينيه وكعد
عمي احمد: هلا بيكم نورتونا
ابوي: نورك
امي: شاورتني وكالت وين لولو
_فوك نايمه
_شون تعوفيها وحدها اطلعي جيبيها
_اعرفكم حتا تطلعوني اني اريد اسمع كلشي وهاذ كلو نحجي بصوت ناصي بس الانضار علينا سكتنا بدت تحجي الحجيه
_احنا نريد نفتح صفحه جديده وياكم وننسى الماضي وما نذكرو ابد الدنيا متسوه نضل متزاعلين
امي: اذيتكم لنا وتريدون ننسى كلشي ونصالحكم
الحجيه: شكد ما نتأسف للكم مراح يفيد لأن الاسف ميفيد بس احنا تندمنا
امي: طول عمري ما انسا اذيتكم ليا ولحد هسا اني ما حاجيه لبناتي حتا ليكرهوكم
الحجيه: ميعرفون السبب
امي: ولحد هسا
الحجيه: ان شاء الله نصالح وميضل حقد بينا
معرف ليش حسيتهم من صدك رايدين يفتحون صفحه جديده وبل اخص الحجيه متندمه بس تعبانه انتبهت عليها والضاهر الكل يسمع كلامها من حجت الكل ساكتين محد حجا ولا كلمه
ابوي: العمر خلص واحنا هم منريد نضل متزاعلين وياكم ماضي وراح
امي: لازم نسيت اذيتهم
ابوي باوع لامي ورد دار راسه تجاهل كلامها وكمل حجيه
ابوي: هاي تاليت عمرنا خلص العمر ننسى الماضي والصار
_استغربت ليش محجو سبب هسا ايمت يحجون سبب زعلهم شو الحجيه كالت
الحجيه: اني اكثر وحده اذيتكم بس متندمه هسا وكلش ورايده نرجع وكانما مصار شي وميضل حقد بينا نص عمرنا كضينا نريد نحاجيكم بس نخاف تردونا
أنت تقرأ
ضاهرة الضلام
ChickLitلا تحكُم على الأخرين بما لا تُحب أن يَحكموا بهِ عَليك، فما تَحكُم بهِ على الأخرين سوفَ يُحكم بهِ عليك : كما إن الطريقة التي تُعامل بهآ الأخرين سَيتم معاملتُك بِمثلهآ .
