ضاهرة الضلام

part33

وملامحها البريئه... غفيت

كعدت على صوت امي تكعد بيه

شيماء:-بنيتي بيبيتج تكول اتفقو معرف شنو

:-يي اتفقنا

:-غير تحجين

:-بعد البارحه اتفقنا

:-يلا كومي بيبيتج جت وتكول عدنا شغل هواي

:-تمام نازله

نزلت امي واني صحصحت شويه فكرت شراح الحك اسوي بدلت ونزلت غسلت وجهي سلمت على بيبي واتريكنا ميس هم جايه وياها تحضرت وكملت بدلت ال لولو

وبيبي خبرت مهيمن يجي ياخذنا اجا ورحنا الطريق كله بس يباوع لحد ما وصلنه

ونزل ويانه فتنا لل محل اباوع الفساتين احتاريت كلهن حلوات اخر شي اجيت لفستان لونه چويتي (ازرق غامق) يجنن جانن بيبي وميس وامي ولولو كاعدات ومهيمن واكف يمي باوعت لمهيمن وحجى

:-لا هذا لا

:-ليش

:-باعي علي دلع وشنو هاي ربع ردان

:-يي عادي اكو وصله لصدره

:-زين والاردان مالته

:-هففف

:-دوري غيره

:-تمام بس ترا هذا كلش عجبني

ورث جكاره يباوع بعيوني :-عود يعني انقهر عليه مهيمن

:-لا مو شغله تنقهر عليه بعدين من ايمت انتَ تدخن

:-قليل ادخن جكاير اكثر شي نركيله

:-المهم هسا كتلك ترا عجبني عجبنيي

:-ترانيم لكي غيره

تنهدت ضايجه :-تمام

اجا ابو المحل ويشوفني فساتين عجبني فستان احمر يشك شك لونه احمر غامققق يسمونه دم الغزال بس مبي ردان

:-مهيمن شوف هاذ حلو

:-مبي اردان هاذ

:-واذا

:-لو ضالين على ذاك احسن

:-هففف

حجى ابو المحل....:-اكدر انطيج اردان تول وانتي خيطيهم

:-تمام

مهيمن:-خلي نشوف الاردان